अभिनेत्री तुनिषा शर्मा आत्महत्याप्रकरणी आता हळूहळू काही गोष्टी समोर येत आहेत. सध्या वसई कोर्टात ही केस सुरू असुन आज कोर्टाचा एक निर्णय समोर आल्याची माहिती मिळाली आहे. या निर्णयात आरोपी शीजान खानच्या चार मागण्या सरकारने मान्य केल्या आहेत.काय आहेत या मागण्या ?
या प्रकरणात आरोपी शीजान खानला 14 दिवसांची न्यायालयीन कोठडी मिळाली आहे. कोर्टात शीजान खानचे वकील शैलेंद्र मिश्रा यांनी कोर्टाकडे मांडलेल्या 4 मागण्या मान्य करण्यात आल्या आहेत. माध्यमांशी बोलताना शीजान खानचे वकील मिश्रा म्हणाले पोलिसांनी सुरूवातीला शीजान खानची रिमांड मागितली होती पण कोर्टाने न्यायालयीन कोठडीचा निर्णय दिला आहे.
कोर्टाकडे मागितलेल्या चार मागण्यांपैकी एक मागणी ही होती शीजानला घरचं जेवण मिळावं ही होती त्याचबरोबर शीजान खानला औषधांची सुद्धा परवानगी सुद्धा कोर्टाने दिली आहे. शीजान खानला अस्थमा असल्याने त्याला इनहिलर वापरण्याची परवानगी कोर्टाने दिली आहे.गेले काही दिवस तुनिषा शर्मा आत्महत्या प्रकरणाची मोठी चर्चा सुरू आहे.
तुनिषा शर्मा आत्महत्या प्रकरणाने आता वेगळं वळण घेतलं आहे. तुनिषा शर्माच्या आईने पत्रकार परिषद घेऊन शीजान खान आणि त्याच्या कुटूंबावर गंभीर आरोप केले होते. शीजानच्या कुटूंबाकडुन तुनिषाच्या धर्मांतरासाठी दबाव टाकला जात होता, असा धक्कादायक आरोप करण्यात आला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.