Aryan Khan- Nora Fatehi : आर्यन खान आणि नोरा फतेही एकमेकांच्या प्रेमात? दुबईत दिसले एकत्र

बी टाऊन मधुन कधी काय बातमी समोर येईल सांगणं मुश्कील असतं. कधी कुणाचं जुळेल आणि कधी कुणाचं तुटेल हे सांगता येत नाही.

सध्या अभिनेता शाहरुख खान आणि कुसू कुसू गर्ल नोरा फतेही यांच्यात सध्या जवळीक असल्याच्या चर्चा सध्या सोशल मिडीयावर होत आहेत. दोघांचे काही फोटोही व्हायरल झाले आहेत ज्यात ते एकत्र फिरताना दिसतात.

दुबईत झालेल्या एका पार्टीचे फोटो व्हायरल झाल्याने दोघे एकमेकांना डेट करत असल्याचं जवळपास निश्चित झालं आहे.

मिळालेल्या माहितीनुसार आर्यन खान, सुहाना खान आणि करन जोहर दुबईतल्या एका पार्टीत दिसले, त्यांचे फोटोही व्हायरल झाले होते. एका फोटोत नोरासोबत दिसणारी एक महिला दुसऱ्या एका फोटोत आर्यन खान सोबत दिसते.

साहजिकच दोघे एकत्र आहेत हे स्पष्ट होतं. इतकंच नाही तर यानंतर दोघांचे डिनर करत असताना काही फोटो सोशल मिडियावर व्हायरल होत आहेत.

हे फोटो व्हायरल होताच नेटिझन्सना मनोरंजनाला एक विषयच मिळाला. फोटोवरच्या एकेक कमेंटस बघुन तुम्हाला हसु आवरणार नाही. काही नेटीझन्स म्हणतात आता अनन्याचं काय? ती तर एकटी पडली.

काही जणांनी नोराची तर आता मजा आहे अशी प्रतिक्रीया व्यक्त केली आहे तर आणखी एकाने ही तर तैमुरसोबत लग्न करणार होती ना? पण आर्यन खान योग्य आहे अशी प्रतिक्रिया दिली आहे.

सोशल मिडीयावरच्या या कमेट्स एकदा नोरा फतेही आणि आर्यन खानने जरुर वाचायला हव्यात निदान त्यांना कळेल तरी कि त्यांचे फॅन्स त्यांची किती काळजी करतायत ते ?