सेंट्रल बोर्ड ऑफ फिल्म सर्टिफिकेशन ने शाहरुख खान आणि दीपिका पदुकोण स्टारर 'पठाण' चित्रपटात अनेक बदल सुचवले होते. यामध्ये 'बेशरम रंग' या वादग्रस्त गाण्याही बदल करण्यास सांगितले आहे. संवाद बदलण्यापासून ते अनेक दृश्यांच्या सेन्सॉरिंगपर्यंत, CBFC ने 'पठाण'मध्ये 10 पेक्षा जास्त कट्स लावण्यास सांगितले आहे.
'पठाण' मध्ये काय सेन्सॉर करण्यात आले
बॉलीवूड हंगामाच्या अहवालानुसार, 'रॉ' शब्दाच्या जागी 'हमारे' तर 'लंगडे लुल्ले'च्या जागी 'तूटे फुटे', 'पीएम'ची जागा 'राष्ट्रपती'ने घेतली आहे. 'पीएमओ' हा शब्द १३ ठिकाणांहून काढून टाकण्यात आला आहे. 'अशोक चक्र'ची जागा 'वीर पुरस्कार', 'एक्स-केजीबी'ची 'एक्स-एसबीयू'ने आणि 'मिसेस भारतमाता'ची जागा 'हमारी भारतमाता'ने घेतली. अहवालात पुढे असे म्हटले आहे की स्कॉच शब्दाच्या जागी 'ड्रिंक' वापरण्यात आला आहे, तर चित्रपटात दिसणारा 'ब्लॅक प्रिझन, रशिया' हा मजकूर 'ब्लॅक प्रिझन'ने बदलण्यात आला आहे.
बेशर्म रंग या गाण्यातील अनेक क्लोज अप शॉट्स, 'साइड पोज' शॉट्स आणि सेंसुअस नृत्य मुव्हमेंट सेन्सॉर केल्या गेल्या आहेत आणि त्यांची जागा 'सुटेबल शॉट्स' ने घेतली आहे. दीपिका पदुकोणचा वादग्रस्त केशरी बिकनी सेन्सॉर झाला आहे की नाही याची स्पष्टपणे माहिती नाही
चित्रपटाच्या कट्सबद्दल बोलताना, CBFC चे चेअरपर्सन प्रसून जोशी यांनी पीटीआयला सांगितले होते, “मी पुन्हा सांगतो की आमची संस्कृती आणि श्रद्धा गौरवशाली, गुंतागुंतीची आणि सूक्ष्म आहे. आपण सावधगिरी बाळगली पाहिजे की ती क्षुल्लक गोष्टींद्वारे परिभाषित केली जात नाही. जी वास्तविक आणि सत्य आहे त्यापासून लक्ष दूर करते आणि मी आधी म्हटल्याप्रमाणे निर्माते आणि प्रेक्षक यांच्यातील विश्वासाचे रक्षण करणे सर्वात महत्त्वाचे आहे आणि निर्मात्यांनी या दिशेने काम करत राहिले पाहिजे. या कट्सनंतर 'पठाण' ला U/A प्रमाणपत्र देण्यात आले आहे. सिद्धार्थ आनंद दिग्दर्शित 'पठाण' 25 जानेवारी 2023 रोजी थिएटरमध्ये रिलीज होणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
