Alia-Ranbir: एकीकडे लग्नाची तयारी, तर दुसरीकडे चित्रपटाचे शूटिंग सुरू

आलिया भट्ट आणि रणबीर कपूर यांच्या लग्नाची तयारी जोरात सुरू आहे. मात्र आलिया पनवेलमध्ये चित्रपटाच्या शूटिंगमध्ये व्यस्थ आहे. ती सध्या 'रॉकी' आणि 'रानी की प्रेम कहानी' या चित्रपटांसाठी पनवेलमध्ये शूटिंग करत आहे. केवळ आलियाच नाही तर रणबीर कपूरही त्याच्या आगामी चित्रपटाचे शूटिंग करत आहे. रणबीर मुंबईच्या आरे कॉलनीमध्ये श्रद्धा कपूरसोबत चित्रपटाचे शूटिंग करत आहे. या शीर्षकहीन चित्रपटाचे दिग्दर्शन दिग्दर्शक लव रंजन करत आहेत.

लग्नाची तयारी कोण पाहत आहे?
आलिया आणि रणबीर दोघेही त्यांच्या चित्रपटांच्या शूटिंगमध्ये व्यस्त आहेत. दोघांचे कुटुंबीय लग्नाची सर्व औपचारिकता पूर्ण करत आहेत.

रणबीर कपूर कुठे आहे?
आलिया रविवारी दुपारी पनवेलला रवाना झाली आहे. दुसरीकडे, रणबीर कपूर (Ranbir Kapoor) गेल्या काही दिवसांपासून त्याच्या चित्रपटाच्या (Movie) ठिकाणाजवळ पश्चिम गोरगावमध्ये राहत आहे. दोघांनी नुकतेच ब्रह्मास्त्र चित्रपटाचे शूटिंग पूर्ण केले आहे. अयान मुखर्जी दिग्दर्शित या चित्रपटाचे पोस्टर रिलीज झाले आहे.

रणबीर आणि आलियाच्या लग्नाच्या तारखेत बदल?
लग्नाच्या तारखेवर शिक्कामोर्तब करत आलियाचे काका रॉबिन भट्ट यांनी पत्रकारांना सांगितले की, 13 एप्रिलला मेहंदीच्या कार्यक्रम असून 14 एप्रिलला लग्न निश्चित करण्यात आले आहे. मात्र, आलियाचा सावत्र भाऊ राहुल भट्ट रणबीर आणि आलियाच्या लग्नाची वेगळी तारीख सांगत आहे. राहुलच्या म्हणण्यानुसार, लग्नाची तारीख 14 ठरवण्यात आली होती. मात्र मीडियामध्ये (Media) तारीख लीक झाल्यामुळे ती बदलण्यात आली आहे.