1st Day Collection of Drishyam 2: बॉलीवुडचा 'सिंघम' अजय देवगन याच्या बॉक्स ऑफिसवर मोठी डरकाळी 'दृश्यम 2'ने बॉक्स ऑफिसवर चांगलीच कमाई केली आहे. हा चित्रपट पहिल्या दिवशीच्या कमाईत या वर्षीचा दुसरा सर्वाधिक कमाई करणारा चित्रपट ठरला आहे. 'दृश्यम 2'ने अक्षयकुमारच्या 'रामसेतु'ला मागे टाकले आहे.
'दृश्यम 2' ने पहिल्या दिवशी 15.38 कोटी रूपयांचा गल्ला कमावला आहे. 'दृश्यम 2' भारतात जवळपास 3300 स्क्रीन्सवर रीलीज झाला आहे. अजय देवगनच्या गेल्या दोन वर्षात आलेल्या सर्व चित्रपटांत 'दृश्यम 2' ने सर्वाधिक ओपनिंग दिली आहे. यावर्षी आलिया भट्ट, रणबीर कपुरच्या ब्रह्मास्त्र या चित्रपटाने पहिल्या दिवशी सर्वाधिक 37 कोटी कमाई केली होती. अक्षयकुमारचा 'रामसेतु' पहिल्या दिवशी 15.25 कोटी कमाईसह दुसऱ्या स्थानी होता. पण आता दृश्यम २ ने 'रामसेतु'ला पछाडले आहे.
ट्रेड अॅनालिस्ट तरण आदर्श यांनी सोशल मीडियावरून ही माहिती दिली आहे. आदर्श यांनी म्हटले आहे की, एका खराब काळानंतर फिल्म इंडस्ट्री पुन्हा उभी राहिली आहे. चित्रपटाने पहिल्या दिवशी चांगली सुरवात केली आहे. हा चित्रपट यावर्षीचा पहिल्या दिवशीच्या कमाईमध्ये दुसरा सर्वाधिक कमाई करणारा चित्रपट ठरला आहे. वीकेंडअखेर हा चित्रपट 50 कोटी रूपयांचा आकडा पार करेल, अशी आशा आहे.
मल्याळम चित्रपटाचा रीमेक
दृश्यम 2 हा मल्याळम सुपरस्टार मोहनलाल यांच्या याच नावाच्या मल्याळम चित्रपटाचा रीमेक आहे. यापुर्वीचा अजय देवगणचा दृश्यम देखील मूळ मोहनलाल यांच्याच मल्याळम चित्रपटाचा रीमेक होता. नंतर इतरही भाषांमध्ये त्याचे रिमेक झाले. अजयच्या पहिल्या दृश्यमचे दिग्दर्शन निशिकांत कामतने केले होते. त्यांच्या निधनानतंर आता दृश्यम २ चे दिग्दर्शन अभिषेक पाठक यांनी केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
