महाराष्ट्र विधानसभेतील बहुमताचे गणित घ्या समजून, हे तीन पर्याय उपलब्ध

Maharashtra Political Crisis: महाराष्ट्राच्या महाभारतात आकड्यांच्या खेळाला सध्या खूप महत्त्व प्राप्त झाले आहे. ज्याच्याकडे बहुमतासाठी आकडे असतील, त्याच्याकडून सरकार स्थापन होईल. चला तर मग या आकडे आणि पर्यायांबद्दल समजून घेऊ. पहिला पर्याय म्हणजे राज्यपाल उद्धव ठाकरे यांना सभागृहात बहुमत सिद्ध करण्यास सांगतील. प्रत्यक्षात जे बहुमत आहे ते विधानसभेतच सिद्ध होते. राज्यपाल शिवसेनेला बहुमत सिद्ध करण्यास सांगतील. जर शिवसेना बहुमत सिद्ध करण्यात अपयशी ठरल्यास राज्यपाल दुसऱ्या मोठ्या पक्षाला बहुमत सिध्द करण्यासाठी आमंत्रित करतील. जो सध्या भाजप आहे. जर भाजपने बहुमत सिद्ध केले तर त्यांचे सरकार स्थापन होईल. अन्यथा राष्ट्रपती राजवट लागू होईल.

दरम्यान, दुसरा पर्याय म्हणजे उद्धव ठाकरेंनी (Uddhav Thackeray) राजीनामा द्यावा लागले. जे ते देऊ शकतात. मुख्यमंत्री उध्दव ठाकरे मंत्रिमंडळाची बैठक बोलावून विधानसभा बरखास्त करण्याची शिफारस राज्यापालांकडे करु शकतात. त्यामुळे अशा स्थितीत राज्यपाल तसे करण्यास नकार देऊ शकतात. इथे पुन्हा एका मोठ्या पक्षाला सरकार स्थापनेची संधी दिली जाईल आणि पुन्हा एकदा भाजपला बोलावले जाईल.

दुसरीकडे, तिसरा पर्याय म्हणजे एकनाथ शिंदे यांनी दोन तृतियांश आमदारांसह नवीन गट स्थापन करावा. ज्याचा ते दावा करत आहेत. पक्षांतर विरोधी कायद्याला बगल देण्यासाठी त्यांच्याकडे 37 आमदार असायला हवेत. या स्थितीत 37 आमदार त्यांच्यासोबत असतील तर त्यांना पक्षांतर विरोधी कायदा लागू होणार नाही.

शिवाय, दोन तृतियांशपेक्षा कमी आमदार सोबत असतील तर त्या आमदारांचे सदस्यत्व जाईल. अशा परिस्थितीत 37 आमदार काढून टाकले तर विधानसभेची संख्या 252 वर येईल. म्हणजेच बहुमताचा आकडा 125 ते 127 च्या दरम्यान असेल. कारण एका आमदाराचा मृत्यू झाला आहे. त्यामुळे हा आकडा काहीही असला तरी तो बहुमतासाठी असेल. भाजपकडे (BJP) 105 आमदार आहेत आणि उर्वरित अपक्षांसह योग्य संख्याबळाचा दावा करु शकतात. त्यामुळे हे तीन पर्याय सध्या पर्याय उपलब्ध आहेत. मात्र यावर तोडगा निघण्यापूर्वी विधानसभेचे अधिवेशन (Assembly session) बोलावून बहुमताने निर्णय होईल.