महाराष्ट्रातून एक धक्कादायक घटना समोर आली आहे. तेरा वर्षीय मुलीवर दोन अल्पवयीन मुलांनी शाळेतच बलात्कार (Girl Raped In School) केला आहे. याप्रकरणी इयत्ता आठवीत शिक्षण घेणाऱ्या दोन मुलांना मांटुंगा पोलिसांनी ताब्यात घेतले आहे. माटुंगा (Matunga) येथील शाळेत 30 नोव्हेंबर रोजी ही घटना घडली.
मिळालेल्या माहितीनुसार, इयत्ता आठवीत शिकणाऱ्या दोन मुलांनी तेरा वर्षीय मुलीवर बलात्कार केला. याप्रकरणी पोलिसांना दोघांना ताब्यात घेतले असून, त्यांच्यावर भारतीय दंड संहिता कलम 376 (D) आणि पोक्सो अंतर्गत गुन्हा दाखल केला आहे. मुलांना बाल न्यायालयापुढे सादर केल्यानंतर त्यांना डोंगरी येथील बाल सुधारगृहात रवानगी पाठवण्यात आले आहे.
वर्गातील सर्व मुले-मुली नृत्य सरावासाठी बाहेर गेल्यानंतर, या दोन मुलांनी परिस्थितीचा गैरफायदा घेत मुलीवर लैंगिक अत्याचार केला. असे माटुंगा पोलिसांनी म्हटले आहे. या धक्कादायक प्रसंगामुळे धक्का बसलेल्या मुलीने घडलेला प्रसंग आपल्या कुटुंबियांना सांगितला. मुलीच्या घरच्यांनी तात्काळ पोलिसांत धाव घेत तक्रार दाखल केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.