मुख्याध्यापिकेनेच केली विद्यार्थ्याला मारहाण; नेमकं काय आहे प्रकरण?

Aurangabad Crime News: शाळा हा प्रत्येक विद्यार्थ्याच्या आयुष्याचा अविभाज्य घटक आहे. शाळेत शिक्षकांनी विद्यार्थ्यांना मारहाण करू नये असा शासनाचा आदेश आहे. परंतु ज्युनियर केजीमध्ये शिकणाऱ्या चार वर्षीय मुलाला मुख्याध्यापिकेनेच (Headmistress) किरकोळ कारणावरून मारहाण केल्याची घटना औरंगाबाद येथे घडली आहे. या घटनेबाबत मुलाच्या आईने मुख्याध्यापिके विरुद्ध पोलिस तक्रार दाखल केली आहे.

सिडको पोलीस ठाण्यात ही तक्रार दाखल करण्यात आली आहे. सदर घटना सिडको एन-9 येथील रघुनंदन विद्यालयातील आहे. मुख्याध्यापिका शुभांगी जोशी यांना मुलाचा धक्का लागल्यामुळे त्यांनी मुलाला रागवले आणि मारहाणही केल्याचा आरोप आईने केला आहे. मात्र

दरम्यान, मुख्याध्यापिका शुभांगी जोशी यांनी हे आरोप फेटाळून लावले आहेत. वर्गात मुलांची भांडणं सुरु होती, ती सोडवण्यासाठी मी गेले होते. त्यानंतर विराजने स्वतःलाच मारून घेत रडणे सुरु केले आमि घरी जाऊन मी मारले अशी तक्रार पालकांकडे केली, असं स्पष्टीकरण मुख्याध्यापिकेने दिले आहे. तसेच आजपर्यंत मी कुणालाही मारले नाही. कोणत्या मुलाला हातही लावलेला नाही. राजकीय उद्देशाने प्रेरित होऊन ही तक्रार करण्यात आली आहे. उलट गेल्या चार वर्षआंपासून आम्हाला त्रास होत आहे. महामुनी यांनी त्यांच्या मुलाची फीदेखील भरली नसल्याचे त्यांनी यावेळी सांगितले. त्याशिवाय इतर मुलांची फी कमी करण्यासाठी आमच्यावर वारंवार दबाव आणला जात होता, अशी तक्रार मुख्याध्यापिकेने केली आहे.