रत्नागिरी : दिवाळी म्हटलं की, घर, घरात असलेली रेलचेल आणि खमंग दिवाळीचा फराळ आठवतोच. आणि घरापासून दुर राहणाऱ्यांना तर दिवाळीची प्रचंड ओढ असते कारण त्यांना दिवाळीला घरी जायचं असतं. महाराष्ट्रातील काही लोकं आणि गोव्यातील काही लोकं कामानिमित्त राज्याबाहेर राहतात आणि दिवाळीला (Diwali) म्हणा किंवा सणासुदीला घरी येतात.
अशातच कोकण रेल्वेने दिवाळीनिमित्त गोवा ते महाराष्ट्र अशी विशेष गाडी सोडण्याचा निर्णय घेतला आहे. ही गाडी मडगाव -पनवेल - मडगाव अशी धावणार आहे. दि. 7 नोव्हेंबरला मडगावहून ही गाडी सायंकाळी 4 वाजता सुटून दुसऱ्या दिवशी पहाटे 3 वा. 15 मिनिटांनी पनवेलला पोहोचणार आहे.
दिवाळीनिमित्त कोकण रेल्वे मार्गावर या आधी देखील अनेक विशेष गाड्या सोडण्यात आल्या आहेत. प्रवाशांचा वाढता प्रतिसाद बघून कोकण रेल्वेने मडगाव ते पनवेल मार्गावर विशेष गाडीची (01596/95) सोय उपलब्ध करून दिली आहे. ही गाडी दि. 8 नोव्हेंबर रोजी पनवेलहून सकाळी 6 वा. 15 मिनिटांनी सुटून त्याच दिवशी सायंकाळी पावणे सात च्या दरम्यान गोव्यात मडगावला पोहचणार आहे. ही गाडी करमाळी, थीवी, सावंतवाडी, कुडाळ, सिंधुदुर्ग, कणकवली, वैभववाडी, राजापूर रोड, आडवली, रत्नागिरी, संगमेश्वर, सावर्डे रोड, चिपळूण, खेड, माणगाव तसेच रोहा स्थानकावर थांबणार असून कोकणातून या गाडीचा प्रवास असणार आहे. एकूण 22 एलएचबी कोचसह ही गाडी फर्स्ट क्लास वातानुकूलित टू टायर एसी थ्री टायर एसी स्लीपर कोच, सर्वसाधारण चार, पॅन्ट्री कार तसेच दोन जनरेटर कार दोन अशा कोच रचनेसह कोकणातील निसर्गसौंदर्याच्या भागातून धावणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
