'किरीट का कमाल' म्हणत संजय राऊतांचा सोमय्यांवर हल्लाबोल

शिवसेना खासदार संजय राऊत पुन्हा एकदा आक्रमक झाले आहेत. काल रात्री 10 च्या सुमारास ट्विट करत त्यांनी भाजप नेते किरीट सोमय्यांबाबत गौप्यस्फोट करणार असल्याचे स्पष्ट केले होते. त्याप्रमाणे आज सकाळी त्यांनी सोमय्यांवर मोठ्या भ्रष्टाचाराचा आरोप केला आहे. (Sanjay Raut slams Kirit Somiya)

राऊत यांनी नॅशनल स्पॉट एक्सचेंज लिमिटेड संदर्भातील 5600 कोटींच्या घोटाळ्यामध्ये सोमय्यांचा हात असल्याचा दावा केला आहे. राऊतांच्या आरोपानुसार, किरीट सोमय्यांनी त्यातील लाखों रुपये आपल्या युवक प्रतिष्ठानसाठी घेतले आहेत.

“एनसएसईएलच्या 5 हजार 600 कोटी रुपयांच्या शेअर्स घोटाळ्याच्या चौकशीची मागणी किरीट सोमय्यांनी केली होती. मोतीलाल ओसवाल कंपनीची या प्रकरणी ईडीने चौकशी केली. स्वतः किरीट चौकशीसाठी घरी गेले. तमाशा केला. 2018-19 असे दोन वर्ष सोमय्यांनी मोतीलाल ओसवालकडून लाखो रुपये त्यांच्या युवक प्रतिष्ठानसाठी घेतले,” असा आरोप राऊत यांनी फेसबुक पोस्टच्या माध्यमातून केला आहे. ट्विटरवरुनही यासंदर्भात राऊत यांनी पोस्ट शेअर केली आहे.