नाशिकमध्ये मध्यरात्री भीषण अपघात; 4 तरुण जागीच ठार

नाशिकमध्ये काल मध्यरात्री गाडी झाडाला धडकल्याने भीषण अपघात झाला. यामध्ये चार तरुणांनी आपला जीव गमावला. येवला रोडवरील अनकवाडे शिवारात ही घटना घडली. (car accident in Nashik at midnight)

अपघात झालेल्या गाडीमध्ये पाच प्रवासी होते. यामधील चार तरुण जागीच ठार झाले, तर पाचवा तरुण गंभीर जखमी झाला आहे, अशी माहिती स्थानिक पोलिसांनी दिली आहे.

पोलिसांनी दिलेल्या माहितीनुसार, मध्यरात्रीच्या सुमारास हा अपघात झाला. या भीषण अपघातात कार अक्षरशः चक्काचुर झाली आहे. अपघातात तौफिक शेख, दिनेश भालेराव, प्रवीण सकट आणि गोकुळ हिरे यांचा मृत्यू झाला आहे, तर जय वानखेडे गंभीर जखमी झाला आहे. त्याला तत्काळ उपचारासाठी मनमाड उपजिल्हा रुग्णालयात दाखल करण्यात आले. जयची प्रकृती नाजुक आहे. पुढील उपचारसाठी सकाळी त्याला नाशिक मधील रुग्णालयात हलवण्यात आल्याची माहिती उपजिल्हा रुग्णालयातील डॉक्टरांनी दिली. अपघाताचे नेमके कारण अध्याप स्पष्ट झालेले नाही. पोलिसांनी तपास सुरू केला आहे.