मराठा बांधवांना पोलिसांनी कोणत्याही प्रकारचा अटकाव करू नये

छत्रपती संभाजीराजे यांनी मराठा आरक्षणाचा मुद्दा पुन्हा एकदा उचलून धरला आहे. यावेळी त्यांनी चांगलाच आक्रमक पवित्रा घेतला आहे. मराठा आरक्षणासाठी 26 फेब्रुवारीला स्वतः आमरण उपोषणाला मुंबईतील आझाद मैदानात बसणार असल्याचे छत्रपती संभाजीराजे (Sambhaji Raje) यांनी स्पष्ट केले. तसेच, यासंदर्भात एक महत्वाचे ट्विट केले. त्यात त्यांनी राज्यशासन आणि प्रशासनाला विनंती केली आहे.

ट्विटमध्ये संभाजीराजे यांनी म्हटले आहे की, मराठा (Maratha Reservation) समाजाच्या प्रमुख मागण्यांच्या अंमलबजावणीसाठी 26 फेब्रुवारीपासून आझाद मैदान येथे जरी मी एकट्याने उपोषणास बसण्याचा निर्णय घेतला आहे. उपोषणाला जरी मी एकट्याने उपोषणास बसण्याचा निर्णय घेतला असला तरी, आंदोलनस्थळी महाराष्ट्रातून येणाऱ्या (Maharashtra) येणाऱ्या मराठा बांधवांना पोलिस प्रशासनाने कोणत्याही प्रकारचा अटकाव करू नये, ही विनंती!, असे आवाहन त्यांनी ट्विटच्या माध्यामातून राज्यशासनाला केले आहे.

दरम्यान, मराठी आरक्षणविषयी राज्यसरकारने कोणतीही ठोस भूमिका घेतली नसल्याने संभाजीराजे छत्रपती यांनी उपोषणाला बसण्याचा निर्णय घेतला आहे. त्यांनी मुंबईत बोलतांना ही घोषणा केली होती. 2007 पासून मी संपुर्ण महाराष्ट्र (Maharashtra) पिंजून काढला आहे. मराठा समाजही हा वंचित घटक आहे. त्यासाठीच आरक्षणाची भूमिका घेतली असल्याचं त्यांनी यावेळी सांगितलं होतं. 5 मे 2021 ला आरक्षण रद्द झालं. मागील काही दिवसांत अनेकवेळा आंदोलनं केली. परंतू अजूनही कोणतीच मागणी पूर्ण नाही. मी आत्तापर्यंत आक्रमक होतो परंतू आता मी उद्विग्न झालो असल्याचे वक्तव्यही खासदार छत्रपती संभाजीराजे यांनी केलं होतं.