Udayanraje Bhosale
Udayanraje BhosaleDainik Gomantak

Udayanraje Bhosale: 'नुपूर शर्माला जो न्याय, तोच कोश्यारींना का नाही'? उदयनराजेंचा केंद्र सरकारला सवाल

पुण्यात राज्यपालांच्या वक्तव्याविरोधात आज बंद ठेवण्यात आला होता. यावेळी काढलेल्या मोर्च्यातून खासदार उदयनराजे भोसले यांनी हा संतप्त सवाल केला आहे.

नुपूर शर्मांचे जसे निलंबन केले तसेच राज्यपाल कोश्यारींना का हटवले नाही, नुपूर शर्मांला एक राज्यापालांना तोच न्याय का नाही असा संतप्त सवाल खासदार उदयनराजे भोसले यांनी केंद्र सरकारला चिचारला आहे. पुण्यात राज्यपालांच्या वक्तव्याविरोधात आज बंद ठेवण्यात आला होता. यावेळी काढलेल्या मोर्च्यातून खासदार उदयनराजे भोसले यांनी हा संतप्त सवाल केला आहे.

राज्यपाल भगतसिंह कोश्यारींनी छत्रपती शिवाजी महाराजांबद्दल केलेल्या विधानाने राज्यभर जनक्षोभ उमटताना दिसत आहे. राज्यपालांविरोधात आज पुणे बंदची हाक देण्यात आली असून, यापार्श्वभूमीवर प्रचंड पोलीस बंदोबस्त तैनात करण्यात आला होता. राज्यपाल भगतसिंह कोश्यारी यांच्या वक्तव्याविरोधात काढण्यात येणाऱ्या मोर्चात अपमानास्पद घोषणांवर बंदी घालण्यात आली. पुणे बंदच्या पार्श्वभूमीवर खबरदारीचा उपाय म्हणून पोलीस बंदोबस्त वाढवण्यात आला होता.

Udayanraje Bhosale
Sharad Pawar: NCP अध्यक्ष शरद पवारांना जीवे मारण्याची धमकी, अज्ञात व्यक्तीने केला धमकीचा फोन

शिवरायाबद्दल लोकांच्या मनात साडेतीनशे वर्षांनंतरही प्रेम कायम आहे. त्यांच्या सन्मान व्हावा हे सांगण्याची वेळ आपल्यावर आली हीच खरी शोकांतिका आहे, अशी खंत खासदार उदयनराजे यांनी व्यक्त केली आहे. पक्ष ही दुय्यम गोष्ट आहे, राज्यपाल यांच्याबद्दल तातडीने भूमिका घ्यायला हवी अशी मागणी उदयनराजे यांनी केली आहे. नुपूर शर्मांचे जसे निलंबन केले तसेच राज्यपालांना का हटवले नाही, राज्यापालांना तोच न्याय का नाही असा सवाल खासदार उदयनराजे भोसले यांनी उपस्थित केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com