Mumbai-Goa Highway Traffic: मुंबई-गोवा महामार्गावर पुन्हा वाहतूक कोंडी; शिमग्यासाठी निघालेल्या चाकरमान्यांची उडाली दैना!

Mumbai Goa Highway Traffic Jam Due To Holi Weekend Travel

Mumbai-Goa Highway Traffic: मुंबई-गोवा महामार्गावर पुन्हा एकदा वाहतूक कोंडी झाली आहे. शिमग्यासाठी गावाकडे निघालेल्या चाकरमान्यांना या वाहतूक कोंडीचा मोठा फटका बसला आहे.

चाकरमान्यांची पुरती दैना उडाली

दरम्यान, मुंबईतून (Mumbai) शिमगोत्सवासाठी गावाकडे निघालेल्या चाकरमान्यांचा मुंबई-गोवा महामार्गावरील वाहतूक कोंडीमुळे फज्जा उडाला आहे. रायगडमधील माणगावमध्ये मुंबई-गोवा महामार्गावर वाहनांच्या लांबच लांब रांगा पाहायला मिळत आहेत. माणगाव, इंदापूर, नागोठणे, वडकळ परिसरात मोठ्याप्रमाणात वाहतूक कोंडी झाली आहे. काही प्रवासी काल (12 मार्च) मध्यरात्रीपासून या वाहतूक कोंडीचा सामना करत आहेत. त्यामुळे तीन-चार तासांच्या प्रवासाला मुंबईकरांना आठ तास लागत आहेत.

कोकणातील 'शिमगोत्सव'

कोकणात (Konkan) सध्या शिमग्याची धूम पाहायला मिळत आहे. शिमगोत्सव हा एक उत्साही आणि सांस्कृतिकदृष्ट्या समृद्ध सण आहे जो रत्नागिरी, सिंधुदुर्ग, रायगड आणि गोव्याच्या काही भागात साजरा केला जातो. शिमगोत्सवातील अनोख्या परंपरा या सणाची रंगत वाढवतात. गणपतीनंतर कोकणातील हा सर्वात मोठा सण आहे. हा उत्सव सुमारे पंधरा दिवस विविध पारंपारिक विधींसह साजरा केला जातो.