मराठीचा मुद्दा महाराष्ट्रात (Maharashtra) पुन्हा एकदा समोर आला आहे. राज्यामध्ये मराठी भाषेचाच वापर करण्यात आला पाहिजे म्हणून मनसैनिक पुन्हा एकदा नेहमीप्रमाणे आक्रमक झाले आहेत. दरम्यान मनसेने आयसीआयसीआय बॅंकेला (ICICI Bank) इशारा दिल्यानंतर मराठी भाषेत सूचना फलक लावण्यास सांगितले आहे. यापूर्वी देखील या बॅंकेने गुजराती भाषेचा सूचना फलक लावले होते. त्यामुळे आक्रमक झालेल्या मनसैनिकांनी महाराष्ट्राची राजभाषा मराठी आहे गुजराती नव्हे, असं म्हणत बॅंकेला इशारा दिला असल्याची माहिती मनसे नेते अखिल चित्रे यांनी दिली आहे. मनसेने याआगोदर देखील दादरमधील (Dadar) दुकानांवर असणाऱ्या गुजराती भाषेतील (Gujarati language) फलक हटवले होते. दादरमधील ख्यातनाम ज्वेलर्सवर आणि माहिममधील एका हॉटेलवर मनसैनिकांनी धडक दिली होती. आता पुन्हा एकदा मनसैनिक मराठी भाषेचा मुद्दा उपस्थित करत आक्रमक झाले आहेत.
शिवाय, मागील वर्षी मराठीच्या मुद्यावरुन मनसैनिकांनी आक्रमक भूमिका घेतल्यानंतर अ‍ॅमेझॉनला नमती भूमिका घ्यावी लागली होती. अ‍ॅमेझॉनने आपल्या सगळ्या डिजिटल प्लॅटफॉर्मवर मराठी भाषेचा समावेश करणार असल्याचे आश्वासन दिले असल्याची माहिती यावेळी चित्रे यांनी माध्यमांशी बोलताना दिली होती. यासोबतच अ‍ॅमेझॉनकडून मनसेप्रमुख राज ठाकरेंची दिलगिरी व्यक्त केल्याच्या दाव्याचा पुनरुच्चार त्यांनी यावेळी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
