'चूक झाली तर माफ करा', कॅबिनेट मीटिंगमध्ये मुख्यमंत्री उद्धव ठाकरेंची भावनिक साद

Maharashtra Political Crisis : महाराष्ट्रात सुरू असलेल्या राजकीय गदारोळात महाराष्ट्र मंत्रिमंडळाची बैठक पार पडली. या मंत्रिमंडळ बैठकीनंतर मुख्यमंत्री उद्धव ठाकरे (Uddhav Thackeray) यांनी सर्वांचे आभार मानले आणि अडीच वर्षांत चूक झाली असेल तर क्षमा करा, असे वक्तव्य केले. तुमच्या अडीच वर्षांच्या सहकार्याबद्दल कृतज्ञ असल्याचे म्हणत त्यांनी मंत्रिमंडळातील सर्व सहकाऱ्यांचे आभार मानले. यावेळी मुख्यमंत्र्यांनी बंडखोर आमदारांवरही प्रतिक्रिया दिली. आपल्याच लोकांनी घात केला, मला दगा दिला, म्हणत ठाकरे यांनी भावनिक साद घातली.

या बैठकीनंतर महाराष्ट्र सरकारचे मंत्री जयंत पाटील म्हणाले की, 'आज 29 जून रोजी मुख्यमंत्री उद्धव ठाकरे यांनी आमच्या तिन्ही पक्षांनी अडीच वर्षात केलेल्या चांगल्या कामाबद्दल कृतज्ञता व्यक्त केली आहे. उद्या सुप्रीम कोर्टाने विश्वासदर्शक ठराव होईल असे सांगितले तर ही बैठक शेवटची आहे की नाही हे ठरेल.'

काँग्रेसचे नेते सुनील केदार यांनी या मंत्रिमंडळ बैठकीबाबत सांगितले की, 'मुख्यमंत्र्यांनी आम्हाला सांगितले की तुम्ही खूप चांगले सहकार्य करता आणि भविष्यातही असेच सहकार्य अपेक्षित आहे आणि मी तुम्हाला अशीच वागणूक देत राहीन.'

महाराष्ट्र सरकारने आपल्या मंत्रिमंडळात औरंगाबाद शहराचे नाव 'संभाजीनगर' करण्यास मान्यता दिली आहे. त्यामुळे उस्मानाबाद शहराचे नाव बदलून 'धाराशिव' असे करण्यात आले आहे. नवी मुंबई आंतरराष्ट्रीय विमानतळाचे दिवंगत दि. बा. पाटील आंतरराष्ट्रीय विमानतळ असे नामकरण करण्यात आले आहे.