Maharashtra-Karnataka: महाराष्ट्र -कर्नाटक सीमावाद पुन्हा चिघळला

Maharashtra-Karnataka : गेल्या काही दिवसांपासुन महाराष्ट्र कर्नाटक सीमावाद चिघळल्याचे दिसुन येत आहे . महाराष्ट्रातील सीमेशेजारील काही गावांनी कर्नाटकात जाण्याची इच्छा दर्शवली होती. त्यांचे प्रश्न जाणून घेण्यासाठी उदय सामंत यांनी सांगली जिल्ह्यातील जतला काल भेट दिली होती. महाराष्ट्रातील काही नेते या वादावर मार्ग काढण्यासाठी कर्नाटकला जाणार होते. मात्र आज कन्नड रक्षण वेदिकेच्या नेते आणि कार्यकर्त्यांनी बेळगावजवळील हिरेबागवाडीच्या टोलनाक्याजवळ महाराष्ट्राच्या ट्रकवर दगडफेक केली आहे .

यामध्ये सहापेक्षा जास्त ट्रकचा समावेश आहे . त्यामुळे आता हा सीमावाद चिघळल्याचे दिसुन येत आहे . दरम्यान, दगडफेक करणाऱ्या कार्यकर्त्यांना पोलीसांनी ताब्यात घेतले आहे.नारायण गौडा यांना सुद्धा अटक करण्यात आली आहे. या हल्ल्यानंतर केंद्राने यात हस्तक्षेप करावा अशी मागणी काही मंत्र्यानी मागणी केंद्र सरकारकडे केली आहे . उद्योगमंत्री उदय सामंत यांनी हल्ला करणाऱ्यांवर कर्नाटक शासनाने कडक कारवाई करावी अशी मागणी केली आहे.

मध्यप्रदेश, गुजरात,कर्नाटक (Karnataka ), तेलंगणा या राज्यांच्या सीमाशेजारील गावे इतर राज्यात जाण्यासाठी काही दिवसांपासुन मागणी करत आहेत. महाराष्ट्रात (Maharashtra) आमच्या मुलभूत गरजा पूर्ण होत नाहीत. आमच्या गावाचे रस्ते व्यवस्थित नाहीत . पाण्याची सुविधा नाही.रोजगाराच्या संधी नाहीत . म्हणून आम्हाला शेजारील राज्यांमध्ये जायचे आहे अशी मागणी काही गावांनी केली होती. कर्नाटकपासून सुरु झालेला वाद इतर ठिकाणीही पोहोचलेला दिसून येतात. आज कर्नाटकमध्ये ट्रकवर झालेल्या हल्लयानंतर हा वाद आणखी चिघळणार की या वादावर तोडगा निघणार हे पाहणे महत्वाचे ठरणार आहे.