Japanese Virus: कोरोनानंतर आता जपानच्या व्हायरसचा हाहाकार; वाचा लक्षणे अन् उपाय

कोरोना विषाणूचा (Corona) संसर्ग अद्याप पूर्णपणे संपलेला नाही. पण सध्या जपानी एन्सेफलायटीसची प्रकरणे चिंता वाढवत आहेत. मीडिया रिपोर्ट्सनुसार, पुण्यात एन्सेफलायटीस विषाणूचे प्रकरण समोर आले असून एका 4 वर्षाच्या मुलाला याची लागण झाल्याचे आढळून आले आहे.

• हा विषाणू डासांच्या चाव्यामुळे पसरतो

जपानी एन्सेफलायटीस विषाणू हा डासांपासून पसरणारा फ्लेविव्हायरस आहे. तो डासांच्या चाव्याव्दारे पसरतो. यामुळे सर्व वयोगटातील लोकांना एन्सेफलायटीस विषाणू संसर्गाचा धोका असतो. हा डेंग्यू, पिवळा ताप आणि वेस्ट नाईल व्हायरस सारख्याच वंशाचे आहे.

जपानमध्ये 1871 मध्ये पहिला रुग्ण आढळला

जपानमध्ये 1871 साली एन्सेफलायटीस व्हायरसची पहिली केस समोर आली होती. या कारणास्तव याला जपानी एन्सेफलायटीस व्हायरस देखील म्हणतात. एन्सेफलायटीस विषाणूचा संसर्ग दर खूपच कमी आहे, परंतु एन्सेफलायटीसमुळे मृत्यूचे प्रमाण 30 टक्क्यांपर्यंत असू शकते.

• जपानी एन्सेफलायटीसची लक्षणे

केंद्रीय रोग नियंत्रण (CDC) विभागानुसार जपानी एन्सेफलायटीस व्हायरसची अनेक वेळा लक्षणे दिसत नाहीत आणि बहुतेक प्रकरणांमध्ये सुरुवातीस कोणतीही लक्षणे दिसत नाहीत. एन्सेफलायटीस विषाणूच्या सामान्य लक्षण

• संक्रमित लोकांना ताप

• डोकेदुखी

• उलट्या

• मानसिक स्थितीत बदल

• न्यूरोलॉजिकल लक्षणे

• अशक्तपणा

जपानी एन्सेफलायटीस विषाणूची लागण झालेल्या लोकांना न्यूरोलॉजिकल रोग होतो. परंतु हे प्रमाण एक टक्क्यांपेक्षा कमी आहे. या विषाणूची लागण झालेल्या 20 ते 30 टक्के लोकांचा मृत्यू होऊ शकतो. गंभीर संसर्गातून बरे झालेल्या 30 ते 50 टक्के लोकांमध्ये न्यूरोलॉजिकल आणि मानसिक लक्षणे कायम राहण्याची शक्यता असते.

• काय काळजी घ्यावी

जपानी एन्सेफलायटीस टाळण्यासाठी वेळेवर चाचणी करणे आवश्यक आहे. जर तुम्ही जपानी एन्सेफलायटीस विषाणू असलेल्या भागात राहत असाल तर तुमची चाचणी करुन घ्यावी. याशिवाय, जर तुम्हाला जपानी एन्सेफलायटीसची लक्षणे दिसली तर तुम्ही डॉक्टरांना भेटून स्वतःची तपासणी करून घ्यावी.

• जपानी एन्सेफलायटीसचा उपचार

जपानी एन्सेफलायटीसची (japanese Encephalitis) लागण झालेल्या रुग्णावर सध्या उपचार नाही. संसर्गानंतर विकसित झालेल्या लक्षणांवर आधारित, डॉक्टर उपचार करतात आणि त्यांना निरीक्षणाखाली ठेवतात. विश्रांती व्यतिरिक्त, डॉक्टर संक्रमित व्यक्तीला अधिकाधिक पोषक ज्युस घेण्याचा सल्ला देतात.