Maharashtra: सिव्हिल हॉस्पिटलच्या ICU मध्ये भीषण आग, 10 कोरोना रुग्णांचा मृत्यू

महाराष्ट्रातील अहमदनगर सिव्हिल हॉस्पिटलच्या (Ahmednagar Hospital Fire) आयसीयूमध्ये शनिवारी सकाळी आग लागल्याची धक्कादायक घटना समोर आली आहे. या आगीत 10 कोरोना रुग्णांचा मृत्यू झाला असून एक जण गंभीर जखमी असल्याचे सांगण्यात येत आहे. आयसीयूमध्ये दाखल असलेल्या रुग्णांना दुसऱ्या ठिकाणी तात्काळ हलवण्यात आले आहे. त्याचबरोबर मृतांचे मृतदेह पोस्टमॉर्टमसाठी पाठवण्यात आले आहेत. मिळालेल्या माहितीनुसार, आगीचे कारण अद्याप स्पष्ट झाले नसून शॉर्ट सर्किटमुळे आग लागल्याचे बोलले जात आहे.

मिळालेल्या माहितीनुसार, ज्या वॉर्डमध्ये आग लागली तो कोविड वॉर्ड होता. सध्या अग्निशमन विभागाकडून आग आटोक्यात आणण्यात आली आहे. सकाळी साडेदहाच्या सुमारास ही घटना घडल्याचे सांगण्यात येत आहे. साडेअकराच्या सुमारास आग आटोक्यात आणण्यात आली.

अहमदनगरचे जिल्हाधिकारी डॉ राजेंद्र भोसले (Collector Dr. Rajendra Bhosale) यांनी पत्रकारांशी बोलताना सांगितले की, रुग्णांना दुसऱ्या रुग्णालयातील कोविड वॉर्डात तात्काळ हलवण्यात आले आहे. रुग्णालयाच्या इमारतीचे 'फायर ऑडिट' करण्यात आले आहे. आगीचे कारण अद्याप समजू शकले नसून, शॉर्ट सर्किटमुळे आग लागल्याचे अग्निशमन दलाच्या प्राथमिक तपासात स्पष्ट होत असल्याचे भोसले यांनी सांगितले.