दिशा सालियान मृत्यू प्रकरणावरून हिवाळी अधिवेशनात सभागृह तीनवेळा तहकूब करण्यात आले. दिशा सालियन प्रकरणांची एसआयटीमार्फत चौकशी करणार असल्याची घोषणा उपमुख्यमंत्री देवेंद्र फडणवीस (Devendra fadnavis) यांनी विधानसभेत केली आहे. आमदार भरत गोगावले यांनी या प्रकरणाची चौकशी करण्याची मागणी केली. दरम्यान, यामुळे आदित्य ठाकरेंच्या अडचणी वाढण्याची शक्यता आहे.
दिशा सालियान मृत्यू प्रकरणावरून हिवाळी अधिवेशनात सभागृहात प्रचंड गदारोळ झाला. दिशा सालियनच्या मृत्यूवेळी तिच्या घरी कोणता नेता होता याची चौकशी करण्याची मागणी नितेश राणे आणि भरत गोगावले यांनी केली. दरम्यान, दिशा सालियन मृत्यू प्रकरणी प्रकरणाची एसआयटी मार्फत चौकशी करण्यात येणार आहे. ज्यांच्याकडे याचे पुरावे आहेत त्यांनी ते द्यावे. असे उपमुख्यमंत्री देवेंद्र फडणवीस सभागृहात म्हणाले.
दरम्यान, दिशा सालियनची चौकशी करायचं असेल तर पुजा चव्हाणची देखील चौकशी करा. फक्त राजकारण करु नका. असे विरोधी पक्षनेते अजित पवार म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
