महाराष्ट्र बोर्डाच्या बारावीच्या परीक्षा आजपासून सुरू, वाचा परीक्षेपूर्वी मार्गदर्शक सूचना

Maharashtra 12th Exam 2022: महाराष्ट्र बोर्ड (MSBSHSE) उच्च माध्यमिक प्रमाणपत्र (HSC) परीक्षा आजपासून म्हणजेच 4 फेब्रुवारीपासून सुरू होत आहेत. परीक्षेला बसणाऱ्या विद्यार्थ्यांनी परीक्षेपूर्वी जारी केलेली मार्गदर्शक तत्त्वे वाचावीत. सर्व परीक्षा ऑफलाइन (Maharashtra Offline Exam) असतील, त्यामुळे विद्यार्थ्यांना विशेष लक्ष द्यावे लागेल. 4 मार्चपासून सुरू झालेल्या या परीक्षा 30 एप्रिलपर्यंत चालणार आहेत. विद्यार्थ्यांना आवश्यक कोरोना मार्गदर्शक तत्त्वांसह परीक्षा द्याव्या लागतील. परीक्षा दोन शिफ्टमध्ये होणार आहे, पहिली शिफ्ट सकाळी 10:30 ते 2 आणि दुसरी शिफ्ट दुपारी 3 ते 6:30. विद्यार्थ्यांना प्रश्न वाचण्यासाठी 10 मिनिटाचा अधिक वेळ मिळणार आहे.

जे विद्यार्थी 12वी बोर्डाच्या परीक्षेला बसणार आहेत ते बोर्डाच्या वेबसाइटला भेट देऊन प्रवेशपत्र डाउनलोड करू शकतात. बोर्डाने mahahsscboard.in या अधिकृत वेबसाइटवर हॉल तिकीट जारी केले आहे. प्रवेशपत्र डाउनलोड करण्यासाठी, विद्यार्थ्यांनी त्यांचे लॉगिन क्रेडेंशियल्स जसे की रोल नंबर आणि जन्मतारीख वापरणे आवश्यक आहे. प्रवेशपत्र नसलेल्या विद्यार्थ्यांना परीक्षेला बसू दिले जाणार नाही.

परीक्षा मार्गदर्शक तत्त्वे

विद्यार्थ्यांनी परीक्षा केंद्रावर कोरोना मार्गदर्शक तत्त्वांचे पालन करणे आवश्यक आहे. प्रवेशपत्रासोबत तुम्ही आयडी प्रूफ, तसेच फेस मास्क, हँड सॅनिटायझर सोबत ठेवावे. विद्यार्थ्यांनी परिक्षा वेळेच्‍या 30 मिनिटे अगोदर परीक्षा केंद्रावर पोहोचणे आवश्‍यक आहे. विद्यार्थ्यांना परीक्षा हॉलमध्ये कोणत्याही प्रकारचे इलेक्ट्रॉनिक उपकरण घेऊन जाण्याची परवानगी नाही. असे काही आढळल्यास कारवाई केली जाईल. प्रश्न आल्यानंतर 10 मिनिटांचा अतिरिक्त वेळ दिला जाईल. प्रश्नांची उत्तरे देण्यापूर्वी प्रश्नपत्रिका आणि उत्तरपत्रिकेवर दिलेल्या सर्व सूचना वाचा. विद्यार्थ्यांनी परीक्षा केंद्रावर कोणतीही चूक करू नये. तुमच्या नियोजित रिपोर्टिंग वेळेपूर्वी आणि गेट बंद होण्यापूर्वी परीक्षा केंद्रावर पोहोचा. कोणत्याही प्रतिबंधित वस्तू घेऊन परीक्षा केंद्रावर पोहोचू नका. विशेषत: कॉपी करू नका.