राज्यात उष्णतेची लाट आल्याने विजेच्या मागणीत (Electricity Demand) वाढ झाली आहे. त्यातच कोळसाटंचाईमुळे वीज निर्मितीवर परिणाम झाल्याने राज्यावर भारनियमनाचे (Load Shedding) संकट आले आहे. मागणीपेक्षा वीजपुरवठा कमी असल्याने मंगळवारी म्हणजे 12 तारखेला राज्यात सुमारे एक हजार मेगावॉट विजेचे भारनियमन करण्यात आले होते अशी माहिती महावितरणमधील सूत्रांनी दिली.
गेल्या पंधरवड्यापासून महावितरणकडे विजेची मागणी तब्बल 24 हजार 500 ते 24 हजार 800 मेगावॉटपर्यंत पोहोचली आहे. विजेची वाढती मागणी व कोळशाअभावी अपुऱ्या वीजनिर्मितीमुळे सुमारे अडीच ते तीन हजार मेगावॉट विजेची टंचाई जाणवत आहे.
त्यासाठी गरजेनुसार वीज नियामक आयोगाच्या मार्गदर्शक तत्त्वानुसार तात्पुरते भारनियमन करण्याचा निर्णय महावितरणाने घेतला आहे. राज्यात होणारी वीजचोरी, वीज वितरण हानी आणि बिलाची वसुली कमी असलेल्या ठिकाणी गेल्या काही दिवसांपासून तात्पुरत्या स्वरूपात भारनियमन सुरू करण्यात येत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
