कीर्तनकार निवृत्ती महाराज इंदोरीकरांच्या स्कॉर्पिओला जालन्यात अपघात

सुप्रसिद्ध किर्तनकार ह.भ.प निवृत्ती महाराज देशमुख इंदोरीकर (Nivrutti Maharaj Deshmukh Indurikar) यांच्या गाडीचा अपघात झाला. किर्तनासाठी जात असताना जालना जिल्ह्यातील परतूर येथे रात्री 10 च्या सुमारास त्यांच्या स्कॉर्पिओ गाडीचा अपघात झाला असून चालक किरकोळ जखमी झाल्याची प्राथमिक माहिती समोर आली आहे. (Kirtankar Nivrutti Maharaj Indurikar Scorpio Accident at Jalna)

इंदरोकर महाराजांना कुठलिही इजा झाली असून ते सुरक्षित असल्याचेही म्हटले जात आहे. घटनेची माहिती मिळताच स्थानिक पोलिसांनी घटनास्थळी धाव घेतली होती.

जालना जिल्ह्यातील खांडवीवाडी येथून किर्तनासाठी जात असताना परतूर येथे एका वळणावर त्यांच्या स्कार्पिओ गाडीची लाकडाची वाहतूक करणाऱ्या ट्रॅक्टरला धडक लागली. एमएच 12 टीवाय 1744 या क्रमांकाच्या काळ्या रंगाच्या स्कॉर्पिओने इंदोरीकर प्रवास करत होते.

परतूर शहरातील साईनाथ कॉर्नरवर रस्ता क्रॉस करताना हा अपघात झाला आहे. दरम्यान, जखमी चालक संजय गायकवाड यांना पोलिसांच्या मदतीने शहरातील अस्थिरोग तज्ञांच्या हॉस्पिटलमध्ये दाखल करण्यात आले असल्याची माहिती पोलीस निरीक्षक शामसुंदर शामसुंदर कौठाळे यांनी दिली.