पालघर : पालघरच्या तारापूर एमआयडीसी परिसरात मंगळवारी रात्री भीषण अग्नितांडव पाहायला मिळालं. एमआयडीसी प्लांटमध्ये आग लागल्यानंतर सलग 8 स्फोट झाल्याचं सांगण्यात येत आहे. अग्निशमन दलाकडून आगीवर नियंत्रण मिळवण्याचे प्रयत्न सुरु असून अजूनही आग धुमसतीच असल्याची माहिती आहे. (Fire in Tarapur MIDC Maharashtra)
तारापूर एमआयडीसीमध्ये मंगळवारी रात्री उशिरा प्रीमियर इंटरमिडिअरी नावाच्या एका केमिकल कंपनीत आग लागल्याची माहिती आहे. आगीचं कारण अद्याप अस्पष्ट असलं तरीही आगीमुळे परिसरात धुराचे लोट पसरल्याचे चित्र आहे. याच भागात गेल्या काही महिन्यांमध्ये आगीच्या घटनांमध्ये मोठी वाढ झाल्याचं चित्र आहे. ज्या केमिकल कंपनीत आग लागली आहे, त्याठिकाणी ज्वलनशील पदार्थांचा मोठा साठा असल्याने आगीवर नियंत्रण मिळवण्यात अडथळे येत आहेत.
आग लागल्याची माहिती मिळताच अग्निशमन दलाच्या तीन गाड्या घटनास्थळी दाखल झाल्या आहेत. मात्र ज्वलनशील केमिकलमुळे आगीवर अजूनही नियंत्रण मिळू शकलेलं नाही. आगीवर वेळीच नियंत्रण मिळालं नाही तर मोठी हानी होण्याची भीती व्यक्त केली जात आहे.
दुसरीकडे अग्नितांडवानंतर परिसरात धुराचे लोट पसरले आहेत, ज्यामुळे स्थानिकांना श्वास घेण्यास अडथळा निर्माण झाला आहे. याच परिसरात दोन महिन्यांपूर्वी एका दुसऱ्या कंपनीत आग लागल्याची घटना घडली होती, ज्यात एका व्यवस्थापकाचा मृत्यू झाला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
