Karjat: डी-मार्टमध्ये हिंदू ग्राहकाला टीळा पुसण्यास पाडले भाग? व्हिडिओ Viral

Dmart Viral Video: कर्जतमधील एका डि-मार्टमध्ये काम करत असलेल्या कर्मचाऱ्याने एका ग्राहकाला रामनवमीच्या दिवशी त्याच्या कपाळावरील टीळा पुसण्यास भाग पडले.
Dmart Viral Video
Dmart Viral VideoGomantak Digital

Dmart Viral Video: रायगडमधील कर्जतमधून एक धक्कादायक प्रकरण समोर आले आहे. कर्जतमधील डिमार्टमध्ये काम करत असलेल्या कर्मचाऱ्याने एका ग्राहकाला रामनवमीच्या दिवशी त्याच्या कपाळावरील टीळा पुसण्यास भाग पडल्याचा व्हिडिओ व्हायरल झालाय.

या व्हिडिओत बजरंग दलाचे कार्यकर्ते डिमार्टमधील कर्मचाऱ्यांना जाब विचारताना दिसत असून पोलिसांकडून या घटनेबाबत अद्याप दुजोरा मिळू शकलेला नाही.

ट्विटरवर सुमित अग्रवाल या युजरने व्हिडिओ पोस्ट केला आहे. सुमितने ट्विटमध्ये महाराष्ट्राचे मुख्यमंत्री एकनाथ शिंदे, उपमुख्यमंत्री- गृहमंत्री देवेंद्र फडणवीस (Devendra Fadnavis) यांना टॅग केलं आहे.

सुमित यांनी ट्विटमध्ये म्हटलंय की, राम नवमीला एक व्यक्ती डीमार्टमध्ये टीळा लावून गेला होता. त्याला डीमार्टमधील कर्मचाऱ्यांनी (Employees) टीळा पुसायला भाग पाडले.

असा प्रकार मुस्लिमांच्या टोपीबाबत होईल का. हा गंभीर प्रकार असून महाराष्ट्र सरकारने याची दखल घेऊन संबंधितांवर कारवाई करावी.

Dmart Viral Video
Goa Land Grab Case: पतीच्या निधनानंतर 'ती'ने दिला निकराचा लढा, बळकावलेली जमीन अखेर 10 वर्षानंतर मिळाली परत

व्हिडिओत नेमके काय?

राम नवमीला टीळा लावून गेलेल्या हिंदू व्यक्तीला टीळा पुसायला भाग पाडणे गंभीर आहे, असं व्हिडिओतील बजरंग दलाचे कार्यकर्ते म्हणताना दिसतात. यावर, ग्राहकाला टीळा का पुसायला लावले, याचे उत्तर दुकानातील कर्मचाऱ्याला देता आले नाही. आम्ही कोणत्याही प्रकारचा भेदभाव करत नाही आणि सर्व धर्मांना समानतेची वागणूक देतो, असे सांगत कर्मचारी वादावर पडदा टाकण्याचा प्रयत्न करतात. अशी पुनरावृत्ती झाल्यास पोलिसांत तक्रार करु, असा इशाराही बजरंग दलाच्या कार्यकर्त्यांनी दिलाय. हा व्हिडिओ नेमका कधीचा आहे, याप्रकरणी पोलिस ठाण्यात नोंद झालीये का, डीमार्टने याबाबत काही स्पष्टीकरण दिलंय का, याबाबत अद्याप कोणतीही माहिती समोर आलेली नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com