Mumbai Politics : मुंबईच्या राजकारणाच्या चाव्या हिंदी भाषिकांच्या हाती; 30 टक्के मतदार उत्तर भारतातले

Mumbai: उत्तर भारतीय मतदारांना आकर्षित करण्यासाठी सर्वच राजकीय पक्षांनी नवनवीन मार्ग आजमावत असतात.
Hindi Speakers Keys to Mumbai Politics; 30 percent of the voters are from North India
Hindi Speakers Keys to Mumbai Politics; 30 percent of the voters are from North IndiaDainik Gomantak

Hindi Speakers Keys to Mumbai Politics; 30 percent of the voters are from North India:

महाराष्ट्राच्या इतर भागांसह मुंबई आणि परिसरात उत्तर भारतीय नेत्यांची राजकीय उंची वाढली नसेल, परंतु उत्तर भारतीय मतदारांना नेहमीच डिमांड राहिले आहे.

उत्तर भारतीय मतदारांना आकर्षित करण्यासाठी सर्वच राजकीय पक्ष नवनवीन प्रयत्न करत आहेत.

मुंबईच्या राजकारणात उत्तर भारतीय मतदारांचा दर्जाही वाढत आहे. अशा परिस्थितीत पक्ष त्यांना आकर्षित करण्यासाठी नवनवीन योजना आखत आहेत.

यामध्ये भाजपसोबत काँग्रेसही मागे नाही. त्यात आता शिंदे यांच्या शिवसेनेनेही उडी घेतली आहे. नुकतेच उद्धव ठाकरे यांनी उघडपणे उत्तर भारतीयांना पाठिंबा देण्याचे आवाहन केले आहे.

मुंबईतील एकूण मतदारांपैकी 40 ते 42 टक्के मतदार हे हिंदी भाषिक आहेत. यामध्ये उत्तर भारतीय मतदार 30 टक्के आहेत.

उत्तर भारतीयांशिवाय मुंबईत राजकारण करणे शक्य नाही, हे सर्वच राजकीय पक्षांना चांगलेच समजले आहे.

महानगर पालिका, विधानसभा आणि लोकसभेच्या जागा जिंकण्यासाठी उत्तर भारतीयांचा पाठिंबा आवश्यक आहे.

मुंबईतील उत्तर भारतीय मतदार कोणत्याही राजकीय पक्षाच्या पाठीशी उभे असले तरी त्यांचा विजय निश्चित असतो. काही वर्षांपूर्वीपर्यंत उत्तर भारतीय मतदारांच्या जोरावर काँग्रेसचे सरकार स्थापन होत असे.

उत्तर भारतीयांनी काँग्रेस सोडल्यापासून त्यांच्या जागा कमी होत गेल्या. बीएमसीमध्येही (BMC) काँग्रेसच्या नगरसेवकांची संख्या कमी होत चालली आहे.

आता भाजपची लॉटरी लागली आहे. नगरसेवक, विधानसभा आणि लोकसभा निवडणुकीत भाजपच्या जागा सातत्याने वाढल्या आहेत. मुंबई महापालिका निवडणुकीत या उत्तर भारतीयांच्या बळावर भाजप फुशारकी मारत आहे. यावेळी मुंबईचा महापौर (Mumbai Mayor) आपल्या पक्षाचाच असेल, असे त्यांना वाटते.

Hindi Speakers Keys to Mumbai Politics; 30 percent of the voters are from North India
"संपत्ती लपवणे भ्रष्टाचारच, असे प्रकार करणाऱ्या उमेदवारांना अपात्र केले पाहिजे"; हाय कोर्टाची टिप्पणी

उत्तर भारतीय मतदारांना आकर्षित करण्यासाठी भाजपचा (BJP) उत्तर भारतीय मोर्चा सक्रिय झाला आहे. पक्षाची प्रतिमा आणि जनमानस मजबूत करण्यासाठी मुंबईत राहणाऱ्या प्रत्येक उत्तर भारतीय मतदारांच्या घरी जाण्याच्या सूचना पदाधिकाऱ्यांना देण्यात आल्या आहेत.

काँग्रेस उत्तर भारतीय नेत्यांच्याही बैठका घेत आहे. पदाधिकाऱ्यांना उत्तर भारतीय समाजाला पक्षाशी जोडण्यास सांगण्यात आले आहे.

मुंबई काँग्रेसच्या (Mumbai Congress) अध्यक्षा वर्षा गायकवाड स्वतः उत्तर भारतीयांना पक्षाशी जोडण्याचा प्रयत्न करत आहेत. आगामी महापालिका निवडणुकीत जास्तीत जास्त उत्तर भारतीयांना तिकीट दिले जाऊ शकते.

इथे शिंदे सेना उत्तर भारतीय सेलही सक्रिय करत आहे. नुकतेच मुख्यमंत्री एकनाथ शिंदे यांनी उत्तर भारतीय सेलच्या अनेक पदाधिकाऱ्यांना नियुक्ती प्रमाणपत्रेही दिली आहेत.

Hindi Speakers Keys to Mumbai Politics; 30 percent of the voters are from North India
Mumbai Goa Highway: कोकणवासीयांसाठी खुशखबर! गणपतीपूर्वी मुंबई - गोवा महामार्गाची एक लेन सुरू होणार

उत्तर भारतीय मतदारांना आकर्षित करण्यासाठी उद्धव ठाकरे (UddhavThackeray) यांनी मुख्यमंत्री एकनाथ शिंदे (Eknath Shinde) यांचा बालेकिल्ला असलेल्या ठाण्यात जाहीर सभा घेतली, ज्यात त्यांनी उत्तर भारतीयांचा पाठिंबा मागितला. मात्र, त्यांना अजूनही भक्कम जनाधार असलेल्या उत्तर भारतीय नेत्याचा शोध आहे.

राष्ट्रवादी काँग्रेसमध्ये फूट पडल्यानंतर कोणत्या पवारांसोबत जायचे याचा निर्णय घेता येत नसल्याने पक्षातील उत्तर भारतीय नेत्यांची कोंडी झाली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com