Governor Bhagat Singh Koshyari: महाराष्ट्रातील राजकारण मागील काही दिवसांपासून गाजत असतानाच राज्याचे विद्यमान राज्यपाल भगतसिंह कोश्यारी यांनी आपले राजीनामा पत्र पंतप्रधान मोदींकडे सुपुर्द केले आहे. उर्वरित काळ चिंतनात घालवायचा आहे, असे यावेळी कोश्यारी म्हणाले. त्याचबरोबर आपण यासंबंधी पंतप्रधान नरेंद्र मोदी यांच्याबरोबर चर्चा केली असल्याचे देखील कोश्यारी यांनी म्हटले आहे.
दरम्यान, मागील काही महिन्यांपासून राज्यपाल भगतसिंह कोश्यारी यांच्याकडून सातत्याने वादग्रस्त वक्तव्ये करण्यात आली. त्यामुळे राज्यातील वातावरण खूप दूषित झाले होते. महापुरुषांचा अपमान, महाविकास आघाडी सत्तेत असताना केलेल्या वादग्रस्त वक्तव्यांमुळे कोश्यारी यांना राजीनामा देण्याची वेळ आली असल्याचे आता विरोधकांकडून म्हटले जात आहे.
यापूर्वी, आपल्या वादग्रस्त वक्तव्यामुळे चर्चेत आलेले महाराष्ट्राचे राज्यपाल भगतसिंग कोश्यारी यांनी आपल्याला सर्व राजकीय जबाबदाऱ्यांपासून मुक्त व्हायचे आहे, असे म्हटले आहे. या संदर्भात त्यांनी पंतप्रधान नरेंद्र मोदी यांच्याशीही चर्चा केली आहे. भगतसिंग कोश्यारी यांनी सोमवारी सांगितले की, 'मी सर्व राजकीय जबाबदारीतून मुक्त होण्याची इच्छा पंतप्रधान मोदींकडे बोलून दाखवली आहे.'
दुसरीकडे, शिवाजी महाराजांबाबत केलेल्या वक्तव्यानंतरच कोश्यारी यांनी राज्यपालपदाचा राजीनामा देण्याचे संकेत दिले होते. त्यांनी गृहमंत्री अमित शहा (Amit Shah) यांना पत्र लिहून शिवाजी महाराजांबद्दल केलेल्या वक्तव्याबद्दल खेद व्यक्त केला होता. याशिवाय, मी अमित शहा यांना विचारले होते की, मला सांगा आता मी काय करु? असेही कोश्यारी म्हणाले होते.
तसेच, आता त्यांनी आपली इच्छा पंतप्रधान मोदींकडे बोलून दाखवली आहे. कोश्यारी यांनी पंतप्रधानांना पत्र लिहून कळवले आहे की, मला “सर्व राजकीय जबाबदारीतून मुक्त” व्हायचे आहे.
कोश्यारी यांनी प्रसारमाध्यमांना दिलेल्या निवेदनात म्हटले आहे की, “संतांची, समाजसुधारकांची आणि शूर सेनानींची भूमी असलेल्या महाराष्ट्रासारख्या (Maharashtra) महान राज्याचा राज्यपाल म्हणून काम करणे खूप खास होते.''
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
