कणकवली: कणकवली नगरपंचायत निवडणुकीच्या पार्श्वभूमीवर गोवा बनावटीच्या दारुची मोठ्या प्रमाणात होणारी अवैध वाहतूक राज्य उत्पादन शुल्क विभागाने हाणून पाडली. कणकवलीतील वागदे एसटी थांब्याजवळ उत्पादन शुल्क विभागाने मोठी कारवाई करत सुमारे 7 लाख 20 हजार रुपये किमतीची गोवा बनावटीची दारु जप्त केली.
राज्य उत्पादन शुल्क विभागाला मिळालेल्या गुप्त माहितीच्या आधारे ही कारवाई करण्यात आली. संशयास्पद वाटणाऱ्या एका बोलेरो पिकअप गाडीतून ही दारु घेऊन जाण्यात येत होती. या पिकअपमधून गोवा बनावटीच्या दारुचे तब्बल 150 बॉक्स जप्त करण्यात आले. या दारुची किंमत अंदाजे 7 लाख 20 हजार रुपये इतकी आहे. जप्त केलेली दारु आणि वाहतुकीसाठी वापरलेले सुमारे 9 लाख 50 हजार रुपये किमतीचे बोलेरो पिकअप वाहन मिळून एकूण 16 लाख 70 हजार रुपयांचा मुद्देमाल उत्पादन शुल्क विभागाने जप्त केला.
निवडणुकीच्या तोंडावर दारुची ही मोठी खेप जप्त झाल्यामुळे या प्रकरणाचे गांभीर्य वाढले आहे. या प्रकरणी उत्पादन शुल्क विभागाने गुजरातमधील (Gujrat) दोघांवर गुन्हा दाखल केला. ही दारु नेमकी कोणासाठी आणली जात होती, याचा निवडणुकीशी काही संबंध आहे का, तसेच गोवा आणि गुजरात या राज्यांपर्यंत या दारु तस्करीच्या रॅकेटचे जाळे कसे पसरले आहे, याचा सखोल तपास राज्य उत्पादन शुल्क विभाग करत आहे.
नगरपंचायत निवडणुकीच्या (Election) पार्श्वभूमीवर मतदारांना प्रभावित करण्यासाठी ही दारु आणली जात असावी, असा प्राथमिक अंदाज व्यक्त होत आहे. अवैध दारुची वाहतूक रोखण्यासाठी उत्पादन शुल्क विभागाने जिल्ह्याच्या सीमेवर आणि मुख्य मार्गांवर आपली गस्त वाढवली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.