Konkan Railway: कोकण रेल्वेची 8 स्थानकं होणार अपडेट, विमानतळासारखी मिळणार सुविधा; गोव्यातील एक स्थानकाचा समावेश

Konkan Railway

सावंतवाडी: कोकण रेल्वेच्या लोहमार्गावरील आठ रेल्वे स्थानकं अपडेट होणार असून, या स्थानकांवर प्रवाशांना विमानतळासारखी सुविधा मिळणार आहे. कोकण रेल्वे प्रवाशांच्या विश्रांतीसाठी लवकरच विशेष अतिथी कक्ष उभारणार आहे. यात गोव्यातील एका रेल्वे स्थानकाचा समावेश आहे.

विमानतळावर प्रवाशांना विश्रांती करण्यासाठी वातानुकूलित कक्षाची सुविधा मिळते. अशाच प्रकारची सुविधा आता कोकण रेल्वेच्या आठ मार्गावर मिळणार आहे. यासाठी कोकण रेल्वे एक्झिक्यूटिव्ह लाऊंज म्हणजेच विशेष अतिथी कक्ष उभारण्याचे ठरवले आहे.

रत्नागिरी जिल्ह्यात रत्नागिरीसह खेड आणि चिपळूण या रेल्वे स्थानकांवर विशेष अतिथी कक्ष सुरु करण्यात आला आहे. त्यानंतर आता आणखी आठ स्थानकांवर विशेष अतिथी कक्ष उभारला जाणार आहे.

कोणत्या आठ स्थानकांवर उभारला जाणार विशेष अतिथी कक्ष

१) माणगाव

२) कणकवली

३) कुडाळ

४) सावंतवाडी रोड

५) करमळी

६) भटकळ

७) कारवार

८) मुर्डेश्वर