Mumbai Goa Highway: 'कामाला गती द्या'; आमदार निलेश राणेंनी घेतला मुंबई - गोवा महामार्गाचा आढावा

Mumbai Goa Highway Update: महामार्गाची रखडलेली काम लवकरात लवकर पूर्ण करा, अशा सूचना आमदार राणे यांनी चिपळूण दौऱ्यावर असताना अधिकाऱ्यांना दिल्या.
Mumbai Goa Highway Update
MLA Nilesh RaneDainik Gomantak
Published on
Updated on

Mumbai Goa Highway

चिपळूण: मुंबई - गोवा महार्गाच्या कामाला गती द्या तसेच, काम लवकर पूर्ण होईल यासाठी प्रयत्न करा, अशा सूचना कुडाळ मालवण मतदारसंघाचे आमदार निलेश राणे यांनी अधिकाऱ्यांना दिल्या आहेत. आमदार राणे चिपळूण दौऱ्यावर असताना त्यांनी महामार्गाच्या कामाच्या आढावा घेतला.

मुंबई - गोवा महार्मागाच्या चौपदरीकरणाचे काम गेल्या १२ ते १५ वर्षांपासून रखडले आहे. केंद्र तसेच राज्य सरकारच्या वतीने महामार्गाबाबत वारंवार नव्या डेडलाईन दिल्या जात आहेत. पावसाळा अवघ्या दोन महिन्यांवर येऊन ठेपला आहे. त्यामुळे महामार्गाची रखडलेली काम लवकरात लवकर पूर्ण करावीत अशा सूचना आमदार निलेश राणे यांनी चिपळूण दौऱ्यावर असताना उपविभागीय अधिकाऱ्यांना दिल्या.

Mumbai Goa Highway Update
Goa Politics: ‘भाजप-मगो’ युती टिकणार की तुटणार? फोंड्यात चर्चेला उधाण; मुख्यमंत्र्यांच्या विधानामुळे वाढला संभ्रम

डिसेंबर २०२५ पूर्वी बहुतांश कामे पूर्ण होतील, असे आश्वासन राष्ट्रीय महामार्ग उपविभाग चिपळूणचे अधिकारी नजीम मुल्ला आणि खुणेकर यांनी आमदार निलेश राणे यांच्या आढावा बैठकीत दिले आहे. यावेळी स्थानिक राजकीय नेते आणि पदाधिकारी देखील उपस्थित होते. दरम्यान, नुकत्याच पार पडलेल्या महाराष्ट्र विधानसभेच्या अधिवेशनात राज्याचे सार्वजनिक बांधकाम मंत्री शिवेंद्रराजे भोसले यांनी जानेवारी २०२६ पर्यंत महामार्गाचे काम पूर्ण होईल अशी ग्वाही दिली होती.

Mumbai Goa Highway Update
Quepem Housie: केपेत 28, 4 लाखांच्या ‘हाऊजी’! ‘म्‍युझिकल शो’च्‍या नावाखाली फोफावतोय जुगार; प्रशासनाची डोळेझाक

मंत्री भोसले यांनी २०११ साली सुरु झालेल्या महामार्गाचे काम पूर्ण व्हायला विलंब झाल्याचे मान्य करत कोकणासाठी हा महामार्ग अत्यंत महत्वाचा असल्याचे म्हटले होते. चिपळूण मधील पुलाचे काम देखील ५० टक्के पूर्ण झाल्याचे मंत्री भोसले यांनी सभागृहात सांगितले होते. संपूर्ण मुंबई गोवा महामार्ग डिसेंबर २०२५ नाही पण जानेवारी २०२६ पर्यंत पूर्ण होईल, असे आश्वासन सार्वजनिक बांधकाम मंत्री शिवेंद्रराजे भोसले यांनी दिली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com