Crop Damage Due To Hail And Unseasonal Rain मागील दोन दिवसांपासून महाराष्ट्रासह लगतच्या गोवा आणि कर्नाटक राज्यात हवामान बदल जाणवू लागला आहे. महाराष्ट्रातील बुलढाणा, अमरावती, हिंगोली, अकोला या ठिकाणी पडलेल्या अवकाळी पावसाने शेतकऱ्यांना अक्षरशः हवालदिल केले आहे.
हातातोंडाशी आलेल्या पिकाची नासधूस झाली आहे. गहू, हरभरा, पिकाला मोठा धोका निर्माण झाला असून लिंबू,संत्री उत्पादकही संकटात आहेत.
तसेच कांदा उत्पादकही रडकुंडीला आले आहेत. कांद्याला भाव नसल्याने शेतकरी संकटात होताच त्यात पुन्हा अवकाळीने बळीराजाच्या डोळ्यात पाणी आणलं आहे. कोकणातही सध्या आंबा, काजू , कोकमाचा हंगाम सुरु झालाय.
मागील दोन दिवसांपासून कोकणात ढगाळ वातावरण अनुभवायला मिळालं असून या वातावरणाचा परिणाम आंबा पिकांवर होण्याची शक्यता बागायतदारांमधून वर्तवली जातेय.
मागील वर्षीही पडलेल्या अवकाळीने तयार झालेला आंबा गाळून पडलं होता तर शिल्लक राहिलेल्या आंब्यावर किडींचा प्रादुर्भाव झाला होता. तसेच फळमाशीचाही सामना बागायतदारांना करावा लागला होता. यंदा तर आंबा उत्पादनच कमी असून जर पाऊस पडला तर शेतकऱ्यांच्या हातातोंडाशी आलेले आंबा, काजू पीक वाया जाण्याची शक्यता आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.