Accident on Mumbai-Goa Highway: मुंबई-गोवा महामार्गावर रायगडजवळील रेपोली गावाजवळ आज सकाळी भीषण अपघात झाला आहे. या अपघातात 9 जण ठार झाल्याची माहिती मिळत आहे. हा अपघात आज सकाळी 5 च्या सुमारास घडला.
या आपघातामुळे मुंबई-गोवा (Mumbai-Goa) मार्गावरची वाहतूक ही ठप्प झाली आहे. पोलिस घटनास्थळी दाखल झाले असून मृतांची ओळख पटवण्याचे काम सुरू आहे. मृत व्यक्ति हे कुठले आहेत हे अद्याप माहिती मिळाली नाही. पण या अपघात एक मुलगा बचावला आहे.
मिळालेल्या माहितीनुसार, ही संपूर्ण घटना आज सकाळी मुंबई-गोवा महामार्गावर घडली. कार आणि ट्रकची समोरासमोर जोरदार धडक झाली.
या अपघातात कारमधील 9 प्रवाशांचा मृत्यू झाल्याची प्राथमिक माहिती मिळाली आहे. तसेच, या अपघातात चार वर्षांचा चिमुकला बचावल्याची माहिती मिळत आहे.
या अपघातात गाडीचा चक्काचूर झाला असून गाडीतून प्रवास करणाऱ्या नऊ प्रवाशांचा मृत्यू झाला आहे. यामध्ये 4 महिला आणि 5 पुरुषांचा समावेश आहेत. या अपघातात 4 वर्षाचं लहान मुल बचावला असून त्याच्यावर माणगाव येथीस सरकारी रुग्णालयात उपचार सुरु आहे
खोळंबलेली वाहतूक पूर्ववत
या अपघातामुळे मुंबई-गोवा महामार्गावरील वाहतूक काही काळासाठी ठप्प झाली होती. अपघाताची माहिती मिळताच पोलिसांनी तात्काळ घटनास्थळाचा पंचनामा करुन वाहतूक सुरळीत केली. तसेच, अपघातात दगावलेल्या व्यक्ती नेमक्या कुठच्या होत्या, याचा तपास पोलिसांकडून सुरु आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.