Crime News: महाराष्ट्रातील पालघर जिल्ह्यातील वसई येथे शुक्रवारी महामार्गाच्या कडेला एका 16 वर्षीय तरुणीचा मृतदेह गोणीत सापडला. एका अधिकाऱ्याने ही माहिती दिली. मुंबई-अहमदाबाद महामार्गालगत असलेल्या नायगाव पुलाजवळील झुडपात हा मृतदेह दुपारी दोनच्या सुमारास आढळून आला, अशी माहिती मीरा भाईंदर, वसई विरार (MBVV) च्या पोलीस अधिकाऱ्याने दिली.
माहिती देताना पोलीस अधिकाऱ्याने सांगितले की, एका वाटसरूने गोणी पाहिली आणि वालीव पोलिसांना माहिती दिली, त्यानंतर एक पथक घटनास्थळी पोहोचले. गोणी उघडून पाहिली असता त्यातून एका तरूण मुलीचा मृतदेह बाहेर आला. मृतदेहावर चाकूच्या अनेक जखमा होत्या. मृतदेह वसईतील सरकारी रुग्णालयात शवविच्छेदनासाठी पाठवण्यात आले आहे.
त्यांनी सांगितले की, भारतीय दंड संहितेच्या कलम 302 (हत्या) अंतर्गत गुन्हा दाखल करण्यात आला आहे. ही तरूणी मुंबईची रहिवासी असल्याचा पोलिसांना संशय असून तिची हत्या केल्यानंतर मृतदेह महामार्गावर फेकून दिला होता. मात्र, मृतदेहाच्या ओळखीबाबत अद्याप कोणताही खुलासा करण्यात आलेला नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
