महाराष्ट्रात 22 ऑक्टोबरपासून चित्रपटगृहे देखील खुली होणार

मुंबई: महाराष्ट्रात (Maharashtra) शाळा 4 ऑक्टोबर, मंदिरे 7 ऑक्टोबर आणि आता चित्रपटगृहे (Theaters) ही 22 ऑक्टोबर पासून सुरु होणार आहे. कोरोनाचे सर्व नियम (All the rules of the corona) पाळून ही चित्रपटगृहे सुरु होतील. यात मास्क घालणे, बैठक व्यवस्था, सॅनिटायजेशन आदी सर्व गोष्टीचे पालन करण्यात येईल. याबाबत मुख्यमंत्री उध्दव ठाकरे (Chief Minister Uddhav Thackeray) यांच्यासोबत वर्षा बंगल्यावर झालेल्या बैठकीनंतर हा निर्णय घेण्यात आला

कोरोनानंतर (Covid-19) जवळजवळ एक वर्षे चित्रपटगृहे बंद करण्यात आली होती. पहिली लाट ओसरल्यानंतर ती पुन्हा काही दिवसांसाठी खुली करण्यात आली परंतु कोरोनाची दुसरीला आल्यानंतर उघडलेली चित्रपटगृहे पुन्हा बंद करण्यात आली होती. आता दुसरी लाट देखील ओसरत असल्याने 70 MM पडद्यावर पुन्हा एकदा चित्रपट पाहता येणार असल्याने रसिक प्रेक्षकांमध्ये उत्साहाचे वातावरण आहे. तसेच अभिनेते (Actors), दिग्दर्शक (Director) आणि निर्मात्यांमध्ये (Producer) देखील यामुळे आनंदाचे वातावरण आहे. अनेक दिवसांपासून चित्रपटगृहे खुली करण्याची मागणी होत होती. त्याला आता सरकारने हिरवा कंदील दाखविला आहे.