पणजी : गोव्याचा दहा वर्षीय बुद्धिबळपटू एथन वाझ याने अहमदाबाद येथे झालेल्या राष्ट्रीय 14 वर्षांखालील बुद्धिबळ स्पर्धेच्या खुल्या गटात दहाव्या क्रमांकाचे बक्षीस मिळविले. त्याने स्पर्धेत एकूण आठ गुणांची कमाई केली.
एथनचे सध्या 1792 एलो गुण असून स्पर्धेत त्याला 21 वे मानांकन होते. स्पर्धेतील अकरा फेऱ्यांनंतर त्याला संयुक्त सातवा क्रमांक मिळाला, मात्र टायब्रेकर गुणांत तो दहाव्या स्थानी घसरला. त्याने स्पर्धेत सात विजय व दोन बरोबरीची नोंद केली. दोन डावांत तो पराभूत झाला.
गुजरात राज्य बुद्धिबळ संघटनेतर्फे घेण्यात आलेल्या या स्पर्धेत 325 बुद्धिबळपटू होते, त्यापैकी 217 खेळाडू खुल्या गटात सहभागी झाले. गोव्याच्या अन्य खेळाडूंत साईराज वेर्णेकर याने सात, जॉय काकोडकर याने साडेसहा, व्हिवान बाळ्ळीकर याने सहा, एड्रिक वाझ याने पाच, लव्ह काकोडकर याने पाच गुणांची नोंद केल. मुलींत आर्या दाभोळकर हिने पाच गुण नोंदविले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
