Ashes 2023: इंग्लंड आणि ऑस्ट्रेलिया यांच्यातील पुरुषांच्या ऍशेस मालिकेतील पहिल्या सामन्यात ऑस्ट्रेलियाने 2 गडी राखून विजय मिळवला. आता उद्या म्हणजेच 22 जूनपासून ऍशेस मालिकेतर्गंत महिला संघांमध्ये एकमेव कसोटी खेळली जाणार आहे.
यासाठी इंग्लंडच्या महिला संघाच्या प्लेइंग 11 ची घोषणा करण्यात आली आहे. नॉटिंगहॅम येथील ट्रेंट ब्रिज मैदानावर हा सामना खेळवला जाणार आहे.
इंग्लंड (England) महिला संघाने जाहीर केलेल्या 11 खेळाडूंपैकी दोन खेळाडू पदार्पण करणार आहेत. युवा गोलंदाज लॉरेन फाइलर आणि अनुभवी फलंदाज डॅनियल वयाट कसोटी पदार्पण करणार आहे. जिथे वयाट तूफानी फलंदाजी करते, लॉरेन फाइलर चेंडूने चमत्कार करते.
टॅमी बब्यूमोंट आणि एमा लम्बा इंग्लंड संघासाठी सलामीवीर असतील तर कर्णधार हीथर नाइट क्रमांक 3 वर फलंदाजीला येईल. नेट सीव्हर ब्रंट, सोफी डंकले आणि डॅनियल वयाट मधल्या फळीत चौथ्या क्रमांकावर दिसतील.
एमी जोन्स यष्टिरक्षकाच्या भूमिकेत असेल, तर फिरकी विभागात अनुभवी सोफी एक्लेस्टोनचे नाव आहे. इंग्लंड संघाकडे केट क्रॉस, लॉरेन बेल आणि युवा गोलंदाज लॉरेन फाइलर हे वेगवान गोलंदाजांच्या रुपात असतील.
हीदर नाइट (सी), टॅमी ब्युमॉंट, एम्मा लॅम्ब, नॅट सीव्हर-ब्रंट, सोफिया डंकले, डॅनियल वयाट, एमी जोन्स, सोफी एक्लेस्टोन, लॉरेन बेल, लॉरेन फाइलर, केट क्रॉस.
इंग्लंड आणि ऑस्ट्रेलिया (Australia) महिला संघादरम्यान हा कसोटी सामना 5 दिवस चालणार आहे. 2000 नंतर पहिल्यांदाच इंग्लंड त्यांच्या भूमीवर 5 दिवसांचा कसोटी सामना खेळणार आहे. या कसोटी सामन्यानंतर दोन्ही संघांमध्ये 3 टी-20 आणि फक्त 3 एकदिवसीय सामने होणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.