Wimbledon 2023: मेडिटेशन रुम्सचा 'त्या' कृत्यासाठी वापर कराल तर खबरदार; विम्बल्डन अधिकाऱ्यांची चाहत्यांना तंबी

Wimbledon News: विम्बल्डन (विम्बल्डन 2023) ही जगातील सर्वात जुनी टेनिस स्पर्धा असून, पुन्हा एकदा सर्वात मोठी टेनिस स्पर्धा सुरू झाली आहे.

विम्बल्डन स्पर्धा ३ जुलैपासून खेळवली जात आहे. त्याचा अंतिम सामना 16 जुलै रोजी होणार आहे. त्याचवेळी आता विम्बल्डन प्रशासनाने टेनिस चाहत्यांना कडक इशारा दिला आहे.

विम्बल्डनने जारी केलेल्या पत्रकात म्हटले आहे की, टेनिस चाहत्यांनी लैंगिक कृत्यासाठी प्रेअर आणि मेडिटेशन रुम्सचा वापरू नये.

गेल्या वर्षी, कोर्ट 12 जवळील रुम्सचा वापर प्रेमात असलेल्या जोडप्यांनी लैंगिक कृत्यासाठी केला होता, त्यामुळे अनेक प्रक्षकांनी संताप व्यक्त केला होता. आता यावेळी विम्बल्डनने याबाबत कडक इशारा दिला आहे.

2022 च्या विम्बलड स्पर्धेदरम्यान, प्रेक्षकांनी एका जोडप्याला कोर्ट 12 च्या बाजूने जाताना पाहिले होते.

एका प्रत्यक्षदर्शीने सांगितले की, त्याने एका पुरुष आणि महिलेच्या चेहऱ्यावर "मोठे हसू" घेऊन खोली सोडताना पाहिले. ते लोक येथे काय करत आहेत याबद्दल जास्त काही सांगयची गरज नाही. असे तो प्रत्यक्षदर्शी म्हणाला.

विम्बल्डनची ही १३६ वी आवृत्ती लंडनमधील ऑल इंग्लंड क्लबमध्ये खेळवली जात आहे. 2022 मध्ये, पुरुष एकेरीचे विजेतेपद सर्बियाच्या नोव्हाक जोकोविचने जिंकले होते.

महिला एकेरीचे विजेतेपद कझाकस्तानच्या एलेना रायबाकिनाने नावे केले होते. या दोन्ही खेळाडूंना यंदाही आपले विजेतेपद कायम राखायचे आहे.

भारतात ही स्पर्धा दुपारी ३.३० पासून पाहता येईल, टेनिस चाहत्यांना स्टार स्पोर्ट्स नेटवर्कवर विम्बल्डनचे थेट प्रक्षेपण पाहता येईल.

प्रतिष्ठित टेनिस स्पर्धा मोबाईलवरील डिस्ने प्लस हॉटस्टार अॅपवरही पाहता येणार आहे.