India's Probable Playing XI for 3rd ODI against West Indies : वेस्ट इंडिज विरुद्ध भारत संघात वनडे मालिकेतील तिसरा सामना मंगळवारी (1 ऑगस्ट) खेळला जाणार आहे. या सामना त्रिनिदाद मधील पोर्ट ऑफ स्पेन येथील क्विन्स पार्क ओव्हल मैदानात खेळला जाणार आहे.
तिसरा वनडे सामना निर्णयाक ठरणार आहे. कारण 3 सामन्यांच्या या वनडे मालिकेतील पहिला सामना भारताने 5 विकेट्सने जिंकला होता. तसेच दुसरा वनडे वेस्ट इंडिजने 6 विकेट्सने जिंकला.
त्यामुळे या मालिकेत पहिल्या दोन सामन्यांनंतर सध्या 1-1 अशी बरोबरी झालेली आहे. त्याचमुळे आता तिसरा सामना मालिका विजेता ठरवण्यासाठी निर्णायक असेल. तिसरा सामना जो संघ जिंकेल, तो ही मालिकाही जिंकेल.
दरम्यान तिसऱ्या सामन्यासाठी भारतीय संघ प्लेइंग इलेव्हनमध्ये बदल करण्याची शक्यता आहे.
पहिल्या वनडेत रोहित शर्माने सातव्या क्रमांकावर फलंदाजी केलेली, तर विराट कोहलीने फलंदाजी केली नव्हती. याशिवाय या दोघांनाही दुसऱ्या सामन्यात विश्रांती देण्यात आली होती. मात्र या दोन्ही सामन्यात भारतीय फलंदाजांनी संघर्ष केल्याचे दिसले होते. पण आता तिसरा वनडे निर्णायक असल्याने या दोन्ही खेळाडूंचे प्लेइंग इलेव्हनमध्ये पुनरागमन होऊ शकते.
त्यांचे जर पुनरागमन झाले, तर अक्षर पटेल आणि संजू सॅमसन यांना आपले स्थान गमवावे लागू शकते. हे दोघेही दुसऱ्या वनडेत रोहित आणि विराट यांच्या जागेवर खेळले होते. पण आता जर रोहित आणि विराटचे पुनरागमन होणार असेल, तर त्यांना पुन्हा बेंचवर बसावे लागू शकते.
याशिवाय भारतीय संघात मोठा बदल होण्याची शक्यता कमी आहे. भारताकडून इशान किशनने शानदार कामगिरी केल्याने त्याला संघात कायम केले जाऊ शकते. याशिवाय शुभमन गिल आणि सूर्यकुमार यादववरही विश्वास कायम ठेवला जाऊ शकतो.
त्याचबरोबर हार्दिक पंड्या आणि रविंद्र जडेजा हे अष्टपैलू खेळाडू म्हणून खेळू शकतात. जडेजा फिरकी गोलंदाजीची जबाबदारीही सांभाळताना दिसेल. त्याला साथ कुलदीप यादव देताना दिसू शकतो, तर हार्दिक वेगवान गोलंदाजीमध्ये आपले योगदान देऊ शकतो. त्याचबरोबर शार्दुल ठाकूर, मुकेश कुमार आणि उमरान मलिक हे गोलंदाजी फळीत कायम राहू शकतो.
शुभमन गिल, रोहित शर्मा (कर्णधार), विराट कोहली, सूर्यकुमार यादव, इशान किशन, हार्दिक पंड्या, रविंद्र जडेजा, शार्दुल ठाकूर, कुलदीप यादव, मुकेश कुमार, उमरान मलिक.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.