विराट कोहलीने बेंगळुरूसाठी केला खास 'विक्रम'

आयपीएल 2022 (IPL 2022) मध्ये आरसीबीच्या (RCB) शेवटच्या सामन्यात विराट कोहली (Virat Kohli) त्याच्या जुन्या लयीत दिसून आला आहे. त्याने 54 चेंडूत 73 धावांची शानदार खेळी खेळली आणि 'करो किंवा मरो'च्या सामन्यात आपल्या संघाला चॅम्पियन बनवले आहे. या उत्कृष्ट खेळीदरम्यान विराटने आरसीबीसाठी 7000 हजार धावा पूर्ण केल्या आहेत. ही कामगिरी करणारा विराट पहिलाच फलंदाज ठरला आहे. त्याच्या आधी कोणत्याही खेळाडूला एका संघासाठी इतक्या धावा करता आल्येल्या नाहीत. फ्रँचायझीसाठी सर्वाधिक धावा करण्याच्या बाबतीत सुरेश रैना दुसऱ्या स्थानावरती आहे. रैनाने चेन्नईसाठी 5529 धावा केल्या आहेत. (Virat Kohli sets special record for Bangalore)

प्लेऑफच्या शर्यतीत टिकून राहण्यासाठी आरसीबीला गुजरातविरुद्धचा सामना कोणत्याही किंमतीत जिंकायचाच होता. अशा परिस्थितीत विराटने आपल्या खांद्यावर संघाच्या विजयाची जबाबदारी घेतली आणि या मोसमातील आपली सर्वात मोठी धावसंख्या केली आहे. या हंगामात त्याच्या बॅटमधून फक्त अर्धशतके झाली आहेत आणि दोघेही गुजरातविरुद्ध आले आहेत.

आरसीबीसाठी 7000 हजारांहून अधिक धावा करणाऱ्या विराटनंतर एबी डिव्हिलियर्सचे नाव लिस्ट मध्ये आहे. डीव्हिलियर्सने आरसीबीसाठी 4522 धावा केल्या. त्याचवेळी ख्रिस गेल तिसऱ्या क्रमांकावरती आहे. गेलने 3420 धावा केल्या. मात्र, विराटशी बरोबरी साधणे कोणत्याही फलंदाजासाठी खूप अवघड असणार आहे. विराटने आयपीएलच्या चॅम्पियन्स लीगमध्येही आरसीबीसाठी फलंदाजी केली आहे आणि या लीगमध्येही त्याने धावा केल्या आहेत. आता ही लीग बंद झाली आहे.

विराट हा आयपीएलमध्ये सर्वाधिक धावा करणारा खेळाडू आहे

विराट कोहली आयपीएलमध्ये सर्वाधिक धावा करणारा फलंदाज ठरला आहे. त्याने आतापर्यंत 221 सामन्यांच्या 213 डावांमध्ये 6592 रन्स् केल्या आहेत. यादरम्यान त्याच्या बॅटने 5 शतके आणि 44 अर्धशतके झळकावली आहेत. त्याची सरासरी 36.42 आणि स्ट्राइक रेट 129.33 एवढी आहे. आयपीएलमधील सर्वोच्च धावसंख्या 113 एवढी धावा आहे. IPL 2016 मधील विराटची कामगिरी सर्वात नेत्रदीपक होती, जेव्हा त्याने एका सत्रात चार शतके आणि 973 रन्स् केल्या होत्या. या मोसमात विराटचा संघही अंतिम फेरीत पोहोचला होता, मात्र हैदराबादकडून विजेतेपदाचा सामना यावेळी गमावला.