SL Vs PAK ODI World Cup 2023: एकदिवसीय विश्वचषक 2023 च्या 8 व्या सामन्यात पाकिस्तान आणि श्रीलंका संघ आमनेसामने आहेत. हैदराबादच्या राजीव गांधी स्टेडियमवर या सामन्याचे आयोजन करण्यात आले आहे.
या सामन्यात श्रीलंकेने नाणेफेक जिंकून फलंदाजीचा निर्णय घेतला आहे. पाकिस्तानचे नेतृत्व कर्णधार बाबर आझम तर श्रीलंकेचे नेतृत्व कर्णधार दसुन शनाका करत आहेत.
श्रीलंका (प्लेइंग इलेव्हन): पाथुम निसांका, कुसल परेरा, कुसल मेंडिस (विकेटकीपर), सदिरा समरविक्रमा, चारिथ असालंका, धनंजय डी सिल्वा, दसुन शनाका (कर्णधार), दुनिथ वेलालागे, महिश तीक्षणा, मथिशा पाथिराना, दिलशान मदुशंका.
पाकिस्तान (प्लेइंग इलेव्हन): अब्दुल्ला शफीक, इमाम-उल-हक, बाबर आझम (कर्णधार), मोहम्मद रिझवान (यष्टीरक्षक), सौद शकील, इफ्तिखार अहमद, मोहम्मद नवाज, शादाब खान, हसन अली, शाहीन आफ्रिदी, हारिस रौफ.
पाकिस्तान आणि श्रीलंका (Sri Lanka) एकदिवसीय फॉर्मेटमध्ये 156 वेळा आमनेसामने आले आहेत, ज्यामध्ये पाकिस्तानचा प्रमुख विक्रम आहे. त्यांनी 92 सामन्यांत विजय मिळवला आहे, तर श्रीलंकेने 59 सामने जिंकले आहेत. संघांमधील एक वनडे सामना बरोबरीत सुटला आहे, तर चार सामने निकालाशिवाय संपले आहेत.
विश्वचषकात (World Cup) दोन्ही संघ सात वेळा आमनेसामने आले असून, पाकिस्तानचा आतापर्यंत नाबाद विक्रम आहे. 2011 च्या आवृत्तीत कोलंबो येथे झालेल्या एकदिवसीय विश्वचषकात त्यांची शेवटची भेट झाली होती. 278 धावांच्या लक्ष्याचा पाठलाग करताना श्रीलंकेचा संघ कमी पडल्याने पाकिस्तानने हा सामना 11 धावांनी जिंकला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.