पंजाब किंग्जचा सलामीवीर फलंदाज शिखर धवनने टी-20 क्रिकेटमध्ये इतिहास रचला आहे. शुक्रवारी पंजाबचा सामना गुजरात टायटन्सशी झाला. या सामन्यात धवनने तिसरा चौकार मारताच नवीन विक्रम झाला. T20 क्रिकेटमध्ये 1000 चौकार मारणारा तो पहिला भारतीय फलंदाज ठरला आहे. (Shikhar Dhawan becomes first Indian batsman to hit 1000 boundaries in t-20 cricket)
T20 क्रिकेटमध्ये 1000 चौकार पूर्ण करणारा धवन हा जगातील चौथा फलंदाज आहे. त्याच्या आधी ख्रिस गेल, अ‍ॅलेक्स हेल्स, डेव्हिड वॉर्नर आणि अ‍ॅरॉन फिंच यांनी ही कामगिरी केली आहे.
गुजरातविरुद्धच्या सामन्यात धवनने 30 चेंडूत 35 धावा केल्या होत्या. यादरम्यान त्याने चार चौकार मारले. त्याचा स्ट्राईक रेट 116.67 होता. धवनच्या नावावर आता टी-20 क्रिकेटमध्ये (Cricket) 1001 चौकार आहेत. T20 क्रिकेटमध्ये सर्वाधिक चौकार मारण्याबाबत बोलायचे झाले तर ख्रिस गेल पहिल्या स्थानावर आहे. त्याच्या नावावर 463 सामन्यात 1132 चौकार आहेत. इंग्लंडचा अ‍ॅलेक्स हेल्स दुसऱ्या स्थानावर आहे. त्याने 336 सामन्यात 1054 चौकार मारले आहेत. डेव्हिड वॉर्नर तिसऱ्या स्थानावर आहे. ऑस्ट्रेलियाच्या (Australia) या स्फोटक सलामीवीराने 314 सामन्यांमध्ये 1005 चौकार मारले आहेत. त्याचा सहकारी अ‍ॅरॉन फिंचने 348 सामन्यांत 1004 चौकार मारले आहेत.
विराट कोहलीच्या (Virat Kohli) नावावर टी-20 क्रिकेटमध्ये 917 चौकार आहेत. विराटने 329 सामने खेळले आहेत. त्याच्यानंतर रोहित शर्माचे नाव येते. रोहितने 373 सामन्यात 875 चौकार मारले आहेत. आयपीएलच्या चालू हंगामातील पहिल्या तीन सामन्यांत धवनने एकही अर्धशतक केलेले नाही. त्याने रॉयल चॅलेंजर्स बंगळुरूविरुद्ध 43, कोलकाता नाइट रायडर्सविरुद्ध 16 आणि चेन्नई सुपर किंग्जविरुद्ध 33 धावा केल्या होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
