PAK vs BAN: बांगलादेशच्या 'या' स्टार जोडीची मोठी कामगिरी, धोनी-युवराजच्या विक्रमाशी केली बरोबरी!

Asia Cup 2023: आशिया चषक 2023 च्या सुपर-4 टप्प्यातील पहिला सामना बांगलादेश आणि पाकिस्तान यांच्यात खेळला जात आहे.
Mushfiqur Rahim & Shakib Al Hasan
Mushfiqur Rahim & Shakib Al HasanDainik Gomantak

Asia Cup 2023: आशिया चषक 2023 च्या सुपर-4 टप्प्यातील पहिला सामना बांगलादेश आणि पाकिस्तान यांच्यात खेळला जात आहे.

लाहोरमध्ये खेळल्या जात असलेल्या या सामन्यात बांगलादेशच्या संघाने 193 धावा केल्या. 47 धावांत चार विकेट गमावलेल्या बांगलादेशच्या संघाची धुरा शाकिब अल हसन आणि मुशफिकुर रहीमने सांभाळली.

या दोघांनी 5व्या विकेटसाठी 100 धावांची शानदार भागीदारी केली. विशेष म्हणजे, या जोडीने शतकी भागीदारी करत एका मोठ्या विक्रमाशी बरोबरी केली आहे.

खरे तर, शाकिब अल हसन (Shakib Al Hasan) आणि मुशफिकुर रहीम यांनी एकदिवसीय क्रिकेटमध्ये पाचव्या किंवा त्याहून कमी विकेटसाठी शतकी भागीदारी केली.

अशी कामगिरी करत दोघांनी एमएस धोनी आणि युवराज सिंग या स्टार जोडीच्या विक्रमाशी बरोबरी केली.

युवी आणि धोनीने एकदिवसीय क्रिकेटमध्ये पाचव्या किंवा त्यापेक्षा कमी विकेटसाठी पाच वेळा शतकी भागीदारी केली होती. या बाबतीत एमएस धोनी आणि सुरेश रैना ही जोडी आघाडीवर आहे.

Mushfiqur Rahim & Shakib Al Hasan
NZ Vs BAN: तब्बल 10 वर्षानंतर न्यूझीलंड संघाची बांगलादेश वारी, भारतात होणाऱ्या विश्वचषकापूर्वी...

एकदिवसीय सामन्यांमध्ये 5व्या किंवा त्यापेक्षा कमी विकेटसाठी सर्वाधिक शतकी भागीदारी

6 - एमएस धोनी आणि सुरेश रैना

5 - एमएस धोनी आणि युवराज सिंग

5 - शाकिब अल हसन आणि मुशफिकुर रहीम

Mushfiqur Rahim & Shakib Al Hasan
IND vs BAN: टीम इंडियाच्या तोंडचा घास बांगलादेशने पळवला, तिसरा सामना अखेरच्या क्षणी 'टाय'

पाकिस्तानविरुद्धच्या शेवटच्या चार एकदिवसीय सामन्यांमध्ये चमकदार कामगिरी

बांगलादेशच्या (Bangladesh) या जोडीने गेल्या चार एकदिवसीय सामन्यात पाकिस्तानविरुद्ध चमकदार कामगिरी केली.

या सामन्यात शतकी भागीदारी करण्यापूर्वी या जोडीने पाकिस्तानविरुद्ध अनुक्रमे 77, 50 आणि 30 धावांची भागीदारी केली होती. या डावात शाकिबने 53 आणि मुशफिकुरने 64 धावा केल्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com