NZ Vs BAN: न्यूझीलंडचा संघ सप्टेंबर आणि नोव्हेंबरमध्ये एकदिवसीय आणि कसोटी मालिका खेळण्यासाठी दहा वर्षांत प्रथमच बांगलादेशचा दौरा करणार आहे.
यावर्षी भारतात होणाऱ्या विश्वचषकाच्या तयारीसाठी तीन सामन्यांची एकदिवसीय मालिका महत्त्वाची ठरणार आहे. अहमदाबादमध्ये उपविजेता न्यूझीलंड आणि गतविजेता इंग्लंड यांच्यातील सामन्याने विश्वचषकाची सुरुवात होणार आहे.
दरम्यान, बांगलादेशचा (Bangladesh) विश्वचषकातील पहिला सामना अफगाणिस्तानशी 7 ऑक्टोबर रोजी धरमशाला येथे होणार आहे. बांगलादेश क्रिकेट बोर्डाने जाहीर केलेल्या वेळापत्रकानुसार हा दौरा 21 सप्टेंबरपासून सुरु होईल.
तिन्ही सामने 21, 23 आणि 26 सप्टेंबर रोजी मीरपूरच्या शेर-ए-बांगला राष्ट्रीय क्रिकेट स्टेडियमवर खेळवले जातील. नोव्हेंबरच्या अखेरीस विश्वचषकानंतर कसोटी मालिका सुरु होईल.
पहिला सामना 28 नोव्हेंबर ते 2 डिसेंबर आणि दुसरा सामना 6 ते 10 डिसेंबर दरम्यान खेळवला जाईल, ज्याचे यजमान शहर नंतर जाहीर केले जाईल.
दुसरीकडे, न्यूझीलंडने पूर्ण मालिकेसाठी 2013 मध्ये बांगलादेशचा शेवटचा दौरा केला होता, यामध्ये दोन सामन्यांची कसोटी मालिका अनिर्णित राहिली होती, तर तीन सामन्यांची एकदिवसीय मालिका बांगलादेशने 3-0 ने जिंकली होती.
न्यूझीलंड (New Zealand) संघाने एक टी-20 सामना जिंकला होता. न्यूझीलंड संघाला भारतात होणाऱ्या विश्वचषकापूर्वी बांगलादेशमध्ये वनडे मालिका खेळण्याचा फायदा होणार आहे.
दोन्ही ठिकाणच्या खेळपट्ट्यांमध्ये फारसा फरक नसल्याने न्यूझीलंडला विश्वचषकापूर्वी तयारी करण्याची सुवर्णसंधी मिळणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.