Sanju Samson: संजू सॅमसनने बॅट सोडून हाती घेतली बंदूक

Sanju Samson Weapon In Hand: भारतीय संघातून बाहेर पडणारा 28 वर्षीय स्टार फलंदाज संजू सॅमसनचा नवा अवतार समोर आला आहे. बॅट सोडून त्याने चक्क बंदूक हाती घेतली. एवढेच नाही तर त्याने सोशल मीडियावर एक फोटोही शेअर केला आहे, ज्यामध्ये तो टार्गेटवर निशाणा साधताना दिसत आहे.

संजू सॅमसनने बंदूक उचलली

स्टार फलंदाज संजू सॅमसनने (Sanju Samson) शुक्रवारी इंस्टाग्रामवर एक पोस्ट शेअर केली. या फोटोत तो हातात बंदूक घेऊन उभा आहे. समोर एक टार्गेट बार आहे आणि संजूने एका बाजूला बंदूक ठेवली आहे.

अद्याप कसोटी पदार्पण करण्याची संधी मिळालेली नाही

संजू सॅमसनला अद्याप कसोटी पदार्पणाची संधी मिळालेली नाही. भारत (India) आणि ऑस्ट्रेलिया यांच्यात सुरु असलेल्या बॉर्डर-गावस्कर ट्रॉफी मालिकेचाही तो भाग नाही. सॅमसन या वर्षी जानेवारीमध्ये टीम इंडियाच्या जर्सीमध्ये शेवटचा दिसला होता, जेव्हा त्याने श्रीलंकेविरुद्धच्या टी-20 मालिकेत भाग घेतला होता. 2015 मध्ये त्याने आंतरराष्ट्रीय क्रिकेटमध्ये पदार्पण केले.

8 वर्षात फक्त 28 सामने खेळले

28 वर्षीय संजू सॅमसनला आतापर्यंत फार कमी संधी मिळाल्या आहेत. 2015 साली T20 च्या माध्यमातून आंतरराष्ट्रीय क्रिकेटमध्ये पदार्पण करणाऱ्या संजू सॅमसनने आतापर्यंत दोन फॉरमॅटमध्ये केवळ 28 सामने खेळले आहेत. त्याने एकदिवसीय सामन्यांमध्ये 11 सामने आणि टी-20 मध्ये भारताकडून 17 सामने खेळले आहेत. यादरम्यान त्याने वनडे फॉरमॅटमध्ये 2 आणि टी-20 इंटरनॅशनलमध्ये एक अर्धशतक झळकावले आहे. प्रथम श्रेणी क्रिकेटमध्ये सॅमसनने 58 सामन्यांमध्ये 3446 धावा केल्या आहेत.