Sanju Samson: क्रिकेट स्टेडियममध्येच नाही, तर फिफा वर्ल्डकपमध्येही पोहचले सॅमसनचे फॅन्स; Photos

भारतीय संघाचा यष्टीरक्षक फलंदाज संजू सॅमसन लोकप्रिय क्रिकेटपटूंपैकी एक आहे. त्याला केवळ भारतातूनच नाही, तर जगभरातून चाहत्यांचा पाठिंबा मिळताना दिसतो.

यापूर्वीही आयर्लंड, न्यूझीलंड, वेस्ट इंडिज, झिम्बाब्वे या देशांमध्येही त्याचे चाहते मैदानात त्याला पाठिंबा देण्यासाठी आलेले दिसले आहेत.

आता त्याचे चाहते कतारमध्ये सुरू असलेल्या फिफा वर्ल्डकप 2022 स्पर्धेदरम्यान देखील दिसले. वर्ल्डकपचे सामने पाहायला जात असताना त्यांनी सॅमसनचा फोटो असलेले पोस्टर स्टेडियममध्ये नेले होते.

या चाहत्यांचा फोटो संजू सॅमसन कर्णधार असलेल्या आयपीएल संघ राजस्थान रॉयल्सच्या सोशल मीडिया हँडलवर शेअर करण्यात आला आहे.

यापूर्वी भारताचा माजी कर्णधार एमएस धोनीचे चाहतेही फिफा वर्ल्डकप पाहाण्यासाठी मैदानावर पोहचल्याचे दिसले होते.

सध्या सॅमसन भारतीय संघाबरोबर न्यूझीलंड दौऱ्यावर आहे. पण त्याला अद्याप या दौऱ्यात केवळ एकच वनडे सामना खेळण्याची संधी मिळाली आहे. आता बुधवारी होणाऱ्या तिसऱ्या आणि अखेरच्या वनडेत त्याला संधी मिळणार का? हे पाहावे लागेल.