Romanian Tennis player Simona Halep dropped from the U.S. Open because of provisional doping suspension:
रोमानची स्टार टेनिसपटू सिमोना हालेपला 28 ऑगस्टपासून सुरु होणाऱ्या अमेरिकन ओपन ग्रँडस्लॅम स्पर्धेला मुकावे लागणार आहे. तिच्यावर डोपिंग प्रकरणात तात्पुरती बंदी घातण्यात आल्याने या स्पर्धेत खेळता येणार नाही.
अमेरिकन टेनिस असोसिएशनने याबद्दल माहिती दिली आहे की ती या स्पर्धेतून आपोआपच बाहेर झाली आहे.
गेल्यावर्षी अमेरिकन स्पर्धेवेळी हालेपच्या डोप टेस्टमध्ये प्रतिबंधित पदार्थ सापडल्याने तिचे इंटरनॅशनल टेनिस इंटिग्रिटी एजन्सीकडून निलंबन करण्यात आले होते.
तिच्या सॅम्पलमध्ये रोक्साडुस्टेट पदार्थ सापडला होता. युरोपियन युनियनमध्ये रोक्साडुस्टेट ड्रगचा वैद्यकिय वापर केला जातो. किडनीच्या आजारासाठी या ड्रगच वैद्यकिय वापर केला जातो. तसेच साकलिस्ट आणि लांब पल्ल्याचे धावपटूंकडून डोपिंगसाठी हे ड्रग वापरले जाते.
त्यानंतर मे महिन्यात हालेपवर दुसऱ्यांदा डोपिंगचा आरोप केला गेला. तिच्या ऍथलिट बायोलॉजिकल पासपोर्टमधील अनियमिततेच्या कारणाने तिच्यावर दुसऱ्यांदा डोपिंगचा आरोप झाला आहे.
31 वर्षीय हालेप माजी अव्वल क्रमांकाची टेनिसपटू राहिली आहे. तिने 2018 साली फ्रेंच ओपन आणि 2019 साली विम्बल्डन स्पर्धा जिंकली आहे. तसेच तिने अनेक विजेतीपदेही जिंकली आहेत.
दरम्यान अमेरिकन ओपनमध्ये महिलांच्या एकेरी स्पर्धेतून हालेप बाहेर झाल्याने तिच्या जागी मेन ड्रॉमध्ये टेलर टाउनसेंडला प्रवेश देण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.