Rohit-Virat's performance in IPL 2024 will play an important role in their selection for T20 World Cup says Kevin Pietersen:
भारताचा कर्णधार रोहित शर्मा आणि अनुभवी फलंदाज विराट कोहली यांना आगामी T20 विश्वचषका स्पर्धेसाठी भारतीय संघात स्थान मिळवण्याची संधी आहे, असा विश्वास इंग्लंडचा माजी कर्णधार केविन पीटरसन याने व्यक्त केला आहे.
भारतीय क्रिकेट सेटअपमधील प्रतिभेची खोली पाहता, एकदिवसीय विश्वचषकाच्या अंतिम सामन्यात ऑस्ट्रेलियाकडून भारताचा पराभव झाल्यानंतर कोहली आणि रोहितच्या भविष्याविषयी जोरदार चर्चा सुरू आहे. तर रोहित आणि कोहलीने एकदिवसीय विश्वचषकात दमदार फॉर्म दाखवला आहे.
केविन पीटरसनने विश्वास व्यक्त केला की, आयपीएल 2024 मधील त्यांची कामगिरी पुढील वर्षी जूनमध्ये होणाऱ्या टी-20 विश्वचषकासाठी त्याच्या निवडीत महत्त्वाची भूमिका बजावेल.
पीटरसनने आयएएनएसला सांगितले की, “कोहली आणि रोहितला अनेक संधी आहेत. ते आयपीएलमध्ये कशी कामगिरी करतात हे पाहावे लागेल. निवडकर्त्यांना त्यांची आयपीएलमध्ये चाचणी घ्यावी लागेल कारण ते भारतीय क्रिकेटचा दिग्गज आहेत."
पीटरसन म्हणाला की, "आयपीएल खूप वेळ चालणार आहे. त्यामुळे आयपीएलचा अंतिम सामना आणि टी-20 विश्वचषकाची सुरुवात होण्यामध्ये फारसे अंतर असणार नाही. रोहित-विराटसारख्या खेळाडूंनी भारतासाठी खेळण्यासाठी आपले जीवन समर्पित केले आहे. त्यामुळे ते देखील आदरास पात्र आहेत. कदाचित हा या दोघांसाठी एक स्वानसाँग असेल.”
इंग्लंडचा माजी कर्णधार पिटरसन Legends Cricket League या निवृत्त क्रिकेटपटूंना स्पर्धात्मक क्रिकेटमध्ये सहभागी होण्याची आणि त्यांच्या क्रिकेट कारकिर्दीत दुसरी इनिंग सुरू करण्याची ही मौल्यवान संधी मानतो.
केव्हिन पीटरसन म्हणाला, 'ही आमच्यासाठी दुसरी इनिंग असू शकते. महत्त्वाचे म्हणजे आपण जे पाहत आहोत ते स्पर्धात्मक क्रिकेट (Cricket) आहे आणि त्यात नेहमीच धोका असतो. काही खेळाडू काही काळ खेळाच्या बाहेर आहेत हे माहीत आहे. त्यामुळे काहीवेळा तुम्ही अपेक्षेनुसार जगू शकत नाही, परंतु येथील मानके खूप चांगली आहेत.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.