India vs Afghanistan 3rd T20I Match at Bengaluru, Rohit Sharma:
बुधवारी (17 जानेवारी) भारत विरुद्ध अफगाणिस्तान संघात झालेला तिसरा टी20 सामना अत्यंत रोमांचक झाला. या सामन्यात भारतीय संघाने सुपर ओव्हरमध्ये विजय मिळवत मालिका 3-0 अशा फरकाने जिंकली. त्यामुळे भारताचा कर्णधार रोहित शर्माच्या नावावर एक मोठा विक्रमही झाला आहे.
रोहितच्या नेतृत्वाखाली भारतीय संघाने मिळवलेला हा 54 सामन्यांतील 42 वा विजय होता. त्यामुळे आता रोहित भारताचा सर्वात यशस्वी टी20 कर्णधार ठरला आहे. त्याने एमएस धोनीच्या विक्रमाला मागे टाकले आहे.
रोहित आता भारताकडून सर्वाधिक टी20 सामने जिंकणारा कर्णधार ठरला आहे. धोनीने 72 आंतरराष्ट्रीय टी20 सामन्यांत नेतृत्व करताना 41 विजय मिळवले आहेत.
तसेच रोहितने धोनीला मागे टाकण्याबरोबरच आंतरराष्ट्रीय टी20 क्रिकेटमध्ये सर्वाधिक विजय मिळणाऱ्या एकूण कर्णधारांमध्ये असघर अफगाण, बाबर आझम, ब्रायन मसाबा आणि ओएन मॉर्गन यांची बरोबरी केली आहे. या चौघांनीही आंतराष्ट्रीय टी20 क्रिकेटमध्ये कर्णधार म्हणून प्रत्येकी 42 विजय मिळवले आहेत.
आंतराष्ट्रीय टी20 क्रिकेटमध्ये सर्वाधिक विजय मिळवणारे कर्णधार
42 विजय - असघर अफगाण (52 सामने) (अफगाणिस्तान)
42 विजय - बाबर आझम (71 सामने) (पाकिस्तान)
42 विजय - ब्रायन मसाबा (54 सामने)(युगांडा)
42 विजय - ओएन मॉर्गन (72 सामने) (इंग्लंड)
42 विजय- रोहित शर्मा (54 सामने) (भारत)
41 विजय - एमएस धोनी (72 सामने) (भारत)
40 विजय - ऍरॉन फिंच (76 सामने) (ऑस्ट्रेलिया)
दरम्यान, भारताने रोहितच्या नेतृत्वाखाली तिसरा टी20 सामना जिंकून अफगाणिस्तानला 3-0 असा व्हाइटवॉश दिला आहे. त्यामुळे रोहित शर्माच्या नेतृत्वाखाली भारतीय संघाने टी20 मालिकेत प्रतिस्पर्धी संघाला व्हाइटवॉश देण्याची ही सहावी वेळ होती. त्यामुळे तो सर्वाधिकवेळा टी20 मालिकेत प्रतिस्पर्धी संघाला व्हाइटवॉश देणारा भारतीय कर्णधार ठरला आहे.
या यादीत दुसऱ्या क्रमांकावर विराट कोहली असून त्याच्या नेतृत्वाखाली भारतीय संघाने दोनदा टी20 मालिकेत प्रतिस्पर्धी संघाला व्हाइटवॉश दिला आहे. तसेच एमएस धोनीच्या नेतृत्वाखाली भारतीय संघाने एकदा टी20 मालिकेत प्रतिस्पर्धी संघाला व्हाइटवॉश दिला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.