India vs Afghanistan, 1st T20I at Mohali, Rohit Sharma Record:
भारत विरुद्ध अफगाणिस्तान संघात सध्या टी20 मालिका सुरू आहे. या मालिकेतील पहिला सामना मोहालीला पार पडला, ज्यात रोहित शर्माच्या नेतृत्वातील भारतीय संघाने 6 विकेट्सने विजय मिळवला. यासह भारताने मालिकेत 1-0 अशी आघाडी घेतली आहे.
दरम्यान, हा विजय रोहितसाठीही खास ठरला आहे. कारण पुरुषांच्या आंतरराष्ट्रीय टी20 क्रिकेटमध्ये 100 विजयी सामन्यांचा भाग होणारा तो पहिलाच क्रिकेटपटू ठरला आहे. म्हणजेच रोहितने एक खेळाडू म्हणून आंतरराष्ट्रीय टी20 क्रिकेटमध्ये 100 विजय मिळवले आहेत. रोहितने 149 आंतरराष्ट्रीय टी20 सामने खेळले आहेत.
या विक्रमाच्या यादीत दुसऱ्या क्रमांकावर पाकिस्तानाचा अष्टपैलू शोएब मलिक आहे. त्याने 124 आंतरराष्ट्रीय टी20 सामन्यांमध्ये 86 विजय मिळवले आहेत.
100 विजय - रोहित शर्मा (149 सामने)
86 विजय - शोएब मलिक (124 सामने)
73 विजय - विराट कोहली (115 सामने)
70 विजय - मोहम्मद हाफिज (119 सामने)
70 विजय - मोहम्मद नबी (113 सामने)
68 विजय - मार्टिन गप्टील (122 सामने)
गुरुवारी मिळवलेला विजय हा रोहित शर्माचा आंतरराष्ट्रीय टी20 क्रिकेटमध्ये कर्णधार म्हणून मिळवलेला 40 वा विजय होता. त्यामुळे तो आंतरराष्ट्रीय 20 क्रिकेटमध्ये 40 किंवा त्यापेक्षा अधिक विजय मिळवणारा सातवा कर्णधार ठरला आहे. तसेच भारताचा एमएस धोनीनंतर दुसराच कर्णधार आहे. धोनीने 41 विजय मिळवले आहेत.
आंतरराष्ट्रीय टी20 क्रिकेटमध्ये सर्वाधिक विजय मिळवणारे कर्णधार
42 विजय - असघर अफगाण (52 सामने)
42 विजय - बाबर आझम (71 सामने)
42 विजय - ब्रायन मसाबा (54 सामने)
42 विजय - ओएन मॉर्गन (72 सामने)
41 विजय - एमएस धोनी (72 सामने)
40 विजय - ऍरॉन फिंच (76 सामने)
40 विजय - रोहित शर्मा (52 सामने)
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
