India Vs England T20 Series: भारत आणि इंग्लंड यांच्यातील तीन सामन्यांची टी-20 मालिका 7 जुलैपासून सुरु होत आहे. बीसीसीआयने या मालिकेसाठी रोहित शर्माची कर्णधारपदी नियुक्ती केली आहे. मात्र रोहित शर्मा अद्याप टी-20 मालिकेत खेळू शकलेला नाही. रोहितचा कोविड रिपोर्ट निगेटिव्ह आला असला तरी टी-20 मालिकेचा भाग होण्यासाठी त्याला वैद्यकिय चाचणीचा सामना करावा लागणार आहे. (Rohit Sharma Have To Pass Important Test To Become Part Of T20 Series Against England)
दरम्यान, लीसेस्टरशायरविरुद्धच्या चार दिवसांच्या सराव सामन्यादरम्यान रोहित शर्माची (Rohit Sharma) कोरोना चाचणी पॉझिटिव्ह आल्यामुळे एजबॅस्टनमधील इंग्लंडविरुद्धच्या (England) पाचव्या कसोटीला मुकला होता. बीसीसीआयच्या (BCCI) सूत्रांनी दिलेल्या माहितीनुसार, "होय, रोहित शर्मा निगेटिव्ह आला असून आता तो क्वारंटाइनच्या बाहेर आहे."
बीसीसीआयच्या अधिकाऱ्याने पुढे सांगितले की, “मेडिकल प्रोटोकॉलनुसार रोहित शर्मा आयसोलेशनमधून बाहेर आला आहे. मात्र तो सराव सामन्यांचा भाग होऊ शकलेला नाही. रोहितला सावरण्यासाठी अजून थोडा वेळ लागणार आहे.''
रोहित शर्माने नेट प्रॅक्टिस सुरु केली
दुसरीकडे, रोहित शर्माने रविवारी नेट प्रॅक्टिसला सुरुवात केली. रिपोर्ट्सनुसार, रोहित शर्माने नेटमध्ये जवळपास 30 मिनिटे सराव केला. सोमवारी संध्याकाळी रोहित शर्माला फिटनेस चाचणी द्यावी लागणार आहे. रोहित शर्मा पहिल्या टी-20 साठी उपलब्ध होणार की नाही हे फिटनेस चाचणीनंतरच स्पष्ट होईल.
मात्र, रोहित शर्माची टी-20 मालिकेत खेळण्याची शक्यता खूप जास्त आहे. या वर्षी होणाऱ्या टी-20 विश्वचषकाच्या पार्श्वभूमीवर इंग्लंडविरुद्धची टी-20 मालिका अत्यंत महत्त्वाची मानली जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
